سەمەيدە «ورمەكشى ادام» جىلۋ جەلىلەرىنىڭ قۇبىرلارىنا ورمەلەۋ كەزىندە بەينەجازباعا ءتۇسىپ قالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
وقيعا ورنىنا ۋچاسكەلىك پوليتسيا ينسپەكتورى بىردەن كەلگەن. ول «سۋپەرقاھارماننىڭ» قاۋىپسىزدىگىنە الاڭداۋشىلىق تانىتاتىنىن ايتىپ، ودان بيىكتەن ءتۇسۋىن سۇراعان.
پوليتسيا قىزمەتكەرى داستان جاقپانوۆ «ورمەكشى ادامنىڭ» نەبارى 16 جاستا ەكەنىن بىلگەندە، ونى ۇيىنە اپارىپ تاستاعان.
اناسىنىڭ قاتىسۋىمەن جاسوسپىرىممەن پروفيلاكتيكالىق اڭگىمە وتكىزىلىپ، مۇنداي ويىنداردىڭ وتە قاۋىپتى ەكەندىگىنە نازار اۋدارىلدى.
ايتا كەتەيىك، بۇعان دەيىن ماجىلىسمەن رۋسلان بەردەنوۆ استانالىق ابۋ دابي پلازا شاتىرىنا شىعىپ، بەتمەننىڭ بەينەسىندە ۆيدەو تۇسىرگەن ەدى.
<
