UEFA Chempiondar ligasynyŋ plei-off ırıkteu kezeŋındegı «Qairat» – «Seltik» matchynyŋ biletterı nebärı 1,5 saǧat ışınde satylyp kettı, dep habarlaidy "Adyrna" ūlttyq portaly.
Būl turaly klub basşylyǧy mälımdedı.
«SOLD OUT! «Qairat» – «Seltik» matchynyŋ barlyq biletterı satyldy! Chempiondar ligasy plei-off kezeŋınıŋ qarymta matchy 26 tamyz künı saǧat 21:45-te Almatynyŋ Ortalyq stadionynda ötedı. Būl matchqa rekordtyq qyzyǧuşylyq tırkeldı – 100 myŋnan astam biletke ötınım tüstı. Nätijesınde biletterdıŋ bükıl qoljetımdı bölıgı 1,5 saǧatqa jetpei tolyq satylyp kettı»- delıngen «Qairat» futbol klubynyŋ Instagram paraqşasynda.
Körermenderge match bastalardan 2–3 saǧat būryn stadionǧa kelu eskertıldı. Sebebı kıreberıste tekseru şaralarynan ötu uaqytyna bailanysty kezek pen yŋǧaisyzdyq tuyndauy mümkın. Sondai-aq stadionǧa kıru üş qaqpa arqyly jüzege asatyny aityldy:
- Abai daŋǧyly jaǧynan,
- Sätbaev köşesı jaǧynan,
- Baitūrsynov köşesı jaǧynan.
Alaida «Qairat» janküierlerı biletterdıŋ tym tez satylyp aituda. Olar biletterdıŋ basym bölıgı alypsatarlardyŋ qolyna tüskenın aitady. Sebebı tanymal platformalarda biletterdı qaita satuǧa arnalǧan habarlandyrular paida bolǧan. Janküierler klub basşylyǧynan şūǧyl şara qabyldaudy talap etıp, alypsatarlardan bilet almauǧa şaqyrdy.
