Kólik mınıstri Marat Qarabaev onyń vedomstvosyna kóleńkeli bıznesten qysym jasalyp jatqanyn aıtty, - dep habarlaıdy “Adyrna” ulttyq portaly Kólik mınıstrliginiń saıtyna silteme jasap.
Almaty oblysynyń turǵyndary mınıstrge halyqaralyq júkterdi tasymaldaýǵa sheteldik ruqsat blankilerin berýdiń ádiletsiz júıesine shaǵymdandy. Mınıstrlikke taǵylǵan aıyptarǵa jaýap retinde Qarabaev sheteldik ruqsat blankilerin (IBR, ruqsattar) zańsyz qaıta satýǵa tosqaýyl qoıýǵa ýáde berdi.
"Ruqsattar tóńireginde kóleńkeli bıznes qalyptasty. Blankilerdi satý komıtet qyzmetkerlerinen emes, bir kólik kompanııasynan ekinshi kólik kompanııasyna satylýda. Bul durys emes. Sondyqtan ádistemeni ózgertkimiz keledi», - dedi mınıstr.
Onyń aıtýynsha, birinshi kezekte naqty júkteri bar árbir adam blankilerdi ala alatyndaı basymdyq prınıpin josparlaý qajet. Bul jaǵdaıda alyp satýdy boldyrmaý úshin blankiler jekeshelendiriledi.
"Kóleńkeli naryqqa áldeqashan enip ketken tulǵalar munymen kelispeı, mınıstrlikke aqparattyq qysymdy uıymdastyrdy. Biraq biz bastaǵan isti aıaqtaımyz. Óıtkeni tártip bolýy kerek. Blankilerge qoljetimdilik barlyǵyna birdeı bolýy kerek», – dedi Marat Qarabaev.
