Reseıde avıakompanııa ekıpajy jantúrshigerlik apatqa ushyrady, dep habarlaıdy "Adyrna" ulttyq portaly.
Oqıǵa 9 maýsymǵa qaraǵan túni Sochı qalasynda bolǵan. Reseılik Nordwind avıakompanııasynyń ekıpajy apatqa ushyraǵany habarlandy.
Oqıǵa Sochı áýejaıynan qonaq úıge barar jolda boldy.
«Avıatorına» Telegram-arnasynyń aqparatynsha, N4 520 Kýrgan – Sochı reısin oryndaǵannan keıin reseılik Nordwind avıakompanııasynyń ekıpajy ushýdan keıingi barlyq rásimderden ótip, avıatasymaldaýshy tapsyrys bergen shaǵyn avtobýsqa otyrǵan. Ekıpaj transferi eki ushqysh pen tórt stıýardessany qonaq úıge jetkizýi kerek edi.
Alaıda jolda Adler – Psoý aınalma jolynda shaǵyn avtobýs jol qyzmetteriniń kamazyna soǵysqan. Kýágerlerdiń avtobýs júrgizýshisi telefonǵa alańdap, jolda turǵan júk kóligin ýaqytynda baıqamaǵanyn aıtady. Jol-kólik oqıǵasynan tórt adam zardap shekken. Olar jergilikti aýrýhanaǵa jetkizildi.
Telegram arnanyń málimeinshe, 34 jastaǵy stıýardessa reanımaııada kóz jumǵan. Onyń artynda eki balasy qalǵan.
