Almaty oblysynda Talǧar audanyna qarasty Panfilov auyldyq okrugınıŋ äkımı Dulat Dauletaliev qatysqan jol apaty oryn aldy. Oqiǧa saldarynan bır adam köz jūmdy, al äkım men taǧy bır jolauşy jaraqat alyp, auruhanaǧa jetkızıldı, dep habarlaidy “Adyrna”.
Äleumettık jelılerde taraǧan mälımetke säikes, äkım qyzmettık kölıkpen Raiymbek audanyndaǧy tauly aimaqqa bara jatqan kezde rölge ie bola almai, kölık joldan şyǧyp ketken. Saldarynan avtokölık bırneşe ret audarylyp, 38 jastaǧy jolauşy oqiǧa ornynda qaza tapqan.
Äkım men taǧy bır jolauşy auyr jaraqattarmen auruhanaǧa jetkızılgen.
Talǧar audany äkımınıŋ apparatynda Dulat Dauletalievtıŋ jol apatyna ūşyraǧanyn rastady. Qazırgı uaqytta sotqa deiıngı tergeu amaldary jürgızılıp jatyr.
Audan äkımdıgı ökılderınıŋ aituynşa, äkım auruhanada em qabyldap jatqandyqtan, äzırge qyzmettık tekserıs jürgızu mümkın emes.
«Prosessualdyq äreketter aiaqtalǧan soŋ jäne memlekettık qyzmetker jūmysqa şyqqannan keiın, tärtıptık şara qoldanu mäselesı etika keŋesınde qaralady», — dep mälımdedı äkımdık.
Almaty oblystyq polisiia departamentınıŋ habarlauynşa, jol apaty 13 qyrküiekte Qarasaz – Saryjaz avtojolynda bolǧan.
“Bestune T55 markaly kölıktıŋ jürgızuşısı rölge ie bola almai, kölık audarylyp ketken», — delıngen oblystyq PD habarlamasynda.
Polisiia qajettı saraptamalardy taǧaiyndap, oqiǧanyŋ barlyq män-jaiyn anyqtau üşın tergeu jürgızıp jatyr. Is departament basşylyǧynyŋ baqylauynda.
