Reseılikter bizdi jep otyrǵan nanymyzdan aıyrdy - Ońǵar Qabden

2913
Adyrna.kz Telegram
Foto: egemen.kz
Foto: egemen.kz

Qazaqstan munaıynyń 80%-y KTK munaı qubyry arqyly eksportqa shyǵady. Al Reseı soty qujattyq zań buzýshylyqtar úshin «KTK-R» kompanııasynyń qyzmetin 30 táýlikke toqtatqan bolatyn. Bul qoǵam belsendileriniń ashýyn týǵyzdy. Solardyń biri táýelsiz jýrnalıst Ońǵar Qabden Telegram arnasyna KTK qubyry týraly oqıǵaǵa baılanysty pikirin bildirdi, dep habardaıdy “Adyrna” ulttyq portaly.

“Osy arqyly Qazaqstan aıyna 500 mıllıon dollar tabys tabatyn. Reseılikter bizdi osy jep otyrǵan nanymyzdan aıyrdy. Onymen qoımaı kólgirsip ana Lavrov degenderi Qazaqstan bizdiń  eń jaqyn dosymyz deıtinderin qaıtersiń.

Bundaı dostyń barynan joǵy. KTK qubyry bul bizdiń jandy jerimiz. Sodan bolar búgingi jınalysta Toqaev basty baǵyt – Transkaspıı baǵyty depti.

Jaqynda ǵana Toqaevtyń Iranǵa sapar shegip, artynan túrkimenge taban tirep Arkadagty ordenmen marapattap qaıtqanyn eskersek bolashaqta bizdiń munaıdyń qubyry Ázirbaıjan, Túrkimenstan men Iran baǵytyna burylatyn sııaqty”,-dep jazdy Ońǵar Qabden.

Sondaı-aq, Toqaevtyń Teńiz jobasyna ınvestorlar tartý múmkindigi týraly oıyna da pikirin qosa ketti.

Baǵana ǵana "Qazmunaıgazǵa" realızaııany durystap júrgizińder, Teńiz jobasyna ınvestorlar tartý múmkindigi bar degen sózi orystardyń tóbe shashyn tik turǵyzdy. Bul degen sóz biz Reseı baǵytyndaǵy qubyrdy kerek etpeı basqa jaqtan qubyr tartamyz degen namek. Reseı qıt etse kraınıkty jabamyz dep, aınalasyn da, Eýropany da mezi qylyp edi. Endi tezirek ınvestor kelip, Transkaspıı jobasyn iske asyrsaq eken. Eshkimge jaltaqtamaı óz munaıymyzǵa ózimiz ege bolar edik. Batystaǵy jumys izdegen aǵaıynnyń jumyssyzdyq máselesi de sheshimin tabar edi.

Kóringen ıt pen bıtke qor bolǵan qazaqtyń munaıy-aı”, - dedi ol.

Adyrna” ulttyq portaly

Pikirler