Tanymal biuti-bloger Säniia Iliiasova özınıŋ Instagram paraqşasynda hidjabtan nelıkten bas tartqanyn tüsındırdı, dep habarlaidy “Adyrna” ūlttyq portaly.
Bloger, käsıpker, bırneşe jobalardyŋ avtory Säniia Iliiasova özınıŋ Instagram paraqşasynda hidjabyn şeşkenın jazdy. Būl şeşımge qalai kelgenın, ne türtkı bolǧanyn tüsındırdı ol.
“Men oramalymdy şeştım. 2 ai boiy emosianaldy tolqynys jäne özımdı ızdeu… Men özım üşın de, özgeler üşın de ärdaiym şynaiy bolǧym keledı. Sızderge ol ūnai ma, ūnamai ma bılmeimın. Öz jüregımnıŋ qalauymen ömır süremın. Egoisttık bolyp körıne me? Bälkım, iä. Solai boluy kerek, solai bolady da. Men “MÄŊGILIK” jäne “EŞQAŞAN” degen sözderdı aituǧa bolmaitynyn ūqtym. Öitkenı Allahtyŋ özınıŋ josparlary bar” dep jazdy ol paraqşasyndaǧy postynda.
Ol özınıŋ hidjabtan bas tartuyn bylai tüsındırdı:
“Mekkege saparymnan keiın men özımdı biıkte elestetken edım. İmanym da, oramalym da bolady dep sendım. Bıraq men kütkennen basqa närseler oryndalyp, Allah maǧan menıŋ oramal taǧudaǧy nietımdı körsetıp berdı. Būl bır qyzyq aşylu boldy. Alla razylyǧy üşın bolmaǧan eken. Köŋılım qaldy! Oramaldylardan, olardyŋ ömırdegı jäne instagramdaǧy keiıpterınen köŋılım qaldy” dep jazdy ol.
Sondai-aq ol oramalǧa keiın nietın dūrystaǧanda, “Allanyŋ qalauymen” qaita keletının aitty:
“Äzırge osylai. Bälkım bır aidan keiın, bır jyldan keiın, 5 jyldan keiın men oramalǧa qaita keletın şyǧarmyn. Eger ärine tırı bolsam. Men eşteŋenı boljap, eşteŋege kepıldık bere almaimyn. Bärı Allanyŋ qalauymen bolady” dedı ol.
Säniia Iliiasova özınıŋ biznesın ary qarai jalǧastyratynyn, oramaldy qyzdarǧa arnap kiım, köilek şyǧaratynyn jazdy:
“Men oranǧandarǧa arnap ädemı kiımderdı şyǧara beremın. Būl ıstı sondai jaqsy köremın. Būl ıstı basqa ıstegen ısterımnen de artyq köremın. Sızder üşın jasaǧan är ısım üşın baqytty bolamyn. Aldaǧy uaqytta näpsım, maqtanyşym üşın ǧana emes taza nietpen oramaldyŋ mänın ūqqanda, onyŋ tynyştyq, Qūdai men menıŋ aramdaǧy närse ekenın tüsıngende ǧana oralamyn” dep qosty ol.
Oqyrmandar änşınıŋ būl şeşımıne türlışe pıkır bıldırdı. Bırı dattap, “oramaldy oiynşyq ettıŋ” dese, endı bırı “dūrys şeşım” dep baǧalady. Tūraqty oqyrmandardyŋ bırınıŋ aituynşa Säniia Iliiasova osydan 2 ai būryn oramalǧa kelgen uaqyttan änderın jelıden öşırgızıp, zamanaui ömırden özın şektep tastaǧan.
