Äzerbaijanda Instagram men TikTok äleumettık jelılerıne VPN arqyly ǧana kıruge bolatyny turaly şaǧymdar köbeidı, dep habarlaidy “Adyrna”.
VVS deregınşe, paidalanuşylar internettıŋ baiaulaǧanyn da habarlaǧan. Būl jaǧdai mektepterde hidjab kiiuge qatysty şekteulerge qarsylyq bıldırgen narazylyqtarmen bailanysty boluy mümkın.
Basylymnyŋ mälımetınşe, 12 qazanda Äzerbaijadaǧy paidalanuşylardyŋ basym bölıgı Instagram men TikTok-qa VPN-sız kıre almaǧan. Keibır qoldanuşylar YouTube pen Gmail qyzmetterınde de aqaular baryn aitqan. Alaida el bilıgı äleumettık jelılerdıŋ būǧattalǧanyn resmi türde rastaǧan joq.
Daudyŋ tuyndauyna 21 qyrküiekte qabyldanǧan ükımet qaulysy sebep bolǧan. Qūjatta mekteptegı kiım ülgısı bılım berudıŋ zaiyrlylyq qaǧidatyna sai boluy kerektıgı körsetılgen. Osydan keiın bırqatar mektepte hidjab kiiuge qoiylǧan şekteuge qarsy narazylyqtar ötken.
12 qazanda Äzerbaijan IIM qaulynyŋ oryndaluyna kedergı keltırdı degen küdıkpen 37 adamnyŋ ūstalǧanyn habarlaǧan. Olarǧa mektepterdıŋ jūmysyna kedergı keltırıp, qoǧamdyq tärtıptı būzdy degen aiyp taǧylǧan.
BBC derekközınıŋ mälımetınşe, keibır mektepterde joǧary synyp oquşylarynan saqaldaryn qyru da talap etılgen. Alaida būl talap qauly mätınınde körsetılmegen.
Äzerbaijan — zaiyrly memleket, halqynyŋ 90 paiyzdan astamy mūsylmandar. Elde mektepterde hidjab kiiuge 2011 jyly da şekteu qoiylyp, būl şeşım jappai narazylyqtarǧa ūlasqan.
