İran parlamentı «Hidjab jäne päktık turaly» zaŋ jobasyn qoldady. Onda «orynsyz» kiıngen jäne «dress-kodty būzǧan» äielderdı 10 jylǧa deiın bas bostandyǧynan aiyru jäne aiyppūldar qarastyrylǧan, dep habarlaidy “Adyrna” tılşısı BBC-ge sılteme jasap.
Zaŋ jobasyn 152 parlament müşesı qoldasa, 34-ı qarsy dauys berdı.
Qazırgı uaqytta qoǧamdyq oryndarda äielderdıŋ dene müsının jasyru üşın hidjab pen ūzyn, keŋ kiım kiiuge mındetteldı. Būl zaŋdy būzǧan äielder aiyppūl töleidı nemese qamauǧa alynbaq.
Parlament qabyldaǧan özgerıster 5 jyldan 10 jylǧa deiın bas bostandyǧynan aiyru men 7302 dollarǧa deiın aiyppūl töleudı qarastyryp otyr.
Būǧan qosa, «dress-kodty būzudy ūiymdasqan türde nasihattaǧan» kez kelgen adam 5 jyldan 10 jylǧa deiın bas bostandyǧynan aiyryluy mümkın.
Al BAQ pen äleumettık jelılerde «jalaŋaştanudy nasihattaityndar», «hidjabty kelemejdeitınder», sondai-aq jürgızuşı nemese jolauşy äiel zaŋda belgılengen kiım kimeitın kölık ielerıne aiyppūl salynady.
BŪŪ-nyŋ segız täuelsız adam qūqyqtary jönındegı sarapşysy būl zaŋ jobasy adamnyŋ negızgı qūqyqtaryn būzady dep eskerttı. İranda būl tärtıp bastapqyda synaq türınde jüzege asyrylady delınedı.
Ūqsas jaŋalyqtar
