Óskemen men Semeı qalalaryndaǵy shamdardy aýystyrý jumystary 94%-ǵa oryndalsa da, bes jyldaı ýaqyt ótken, joba aıaqtalmaǵan. Jańa lampalar isten shyǵyp, tipti ortalyq kóshelerdegi fonarlar da sónip, aılar boıy janbaı turady. Bul týraly Parlament Májilisiniń depýtaty, «AMANAT» frakııasynyń múshesi Samat Nurtaza “Adyrna” ulttyq portalyna bergen suhbatynda aıtyp berdi. Depýtat bul isti ózi qolǵa almaq.
– Sizge depýtat retinde qandaı máseleler kelip túsedi? Solar týraly aıtyp berińizshi.
– Meniń atyma Óskemen men Semeı qalalarynyń turǵyndarynan túngi ýaqytta qala kóshelerindegi jaryqtyń nashar ekendigi týraly shaǵymdar kelip tústi.
– Munyń sebebi nede? Tolyǵyraq aıtyp bere alasyz ba?
– Iá, árıne. 2017 jyly Qazaqstannyń «Jasyl ekonomıkaǵa» kóshýi aıasynda «Shyǵys Qazaqstan oblysy memlekettik-jekemenshik áriptestigi óńirlik ortalyǵy» akıonerlik qoǵamy men Eýropa Qaıta Qurý jáne Damý Banki arasynda «Óskemen qalasynda jáne Semeı qalasynda kósheni jaryqtandyrý júıesin jańǵyrtý» jobasy boıynsha quny 4,8 mlrd teńge bolatyn kredıttik shart jasaldy. Onyń ishinde Eýropa Qaıta Qurý jáne Damý Bankiniń kredıti - 3,6 mlrd teńge, al jergilikti bıýdjetten qarjylandyrý - 1,2 mlrd teńge boldy. 2019 jyly tender qorytyndysy boıynsha Eýropa Qaıta Qurý jáne Damý Bankiniń satyp alý erejelerine sáıkes merdiger anyqtalyp, onymen «Jobalaý» – «Jetkizý» – «Ornatý» – «Qyzmet kórsetý» boıynsha shartqa qol qoıyldy.
– Qarajat tolyq kólemde bólindi me?
– Árıne! Qarajat tolyq bólinip, tolyǵymen ıgerildi. Sol kezde turǵyndarǵa joba iske asqannan keıin bul qalalar jergilikti «Las-Vegasqa» nemese «Makaoǵa» aınalady, al óńirdiń osy eki qala boıynsha jaryqtandyrýǵa ketetin shyǵyndary 60 %-ǵa qysqarady dep ýáde bergen.
Shamdardy aýystyrý jumystary 94%-ǵa oryndalsa da, ózin kóteretin, oqshaýlanǵan 335 km kábil tartylyp, syrtqy jaryqty basqaratyn 394 shkaf ornatylsa da, bes jyldaı ýaqyt ótti, joba aıaqtalǵan joq. Jańa lampalar isten shyǵyp jatyr, tipti ortalyq kóshelerdegi fonarlar da sónip, aılar boıy janbaı turady.
– Al oblys ákimdigi ne deıdi?
– Bizge oblys ákimdiginde túsindirgendeı, jobany iske asyrý kezeńinde merdiger uıym tarapynan shamdardyń, qurylys-montajdaý jumystarynyń, qyzmet kórsetýdiń sapasyna qatysty problemaly máseleler týyndaǵan. Ákimdik bizge, - qazirgi ýaqytta qalalarda jaryqty qalpyna keltirý jumystary oblys ákiminiń baqylaýynda, - dep sendirdi.
– Depýtat retinde qandaı josparyńyz bar?
– Osyǵan baılanysty biz bul jaǵdaıdy muqııat baqylaıtyn bolamyz. Jaýaptylar bıýdjetten bólingen árbir teńge úshin jaýap berýge tıis. Depýtat retinde men buǵan barynsha kúsh salamyn.
– Suhbattasqanyńyz úshin rahmet!
“Adyrna” ulttyq portaly
