Parlament palatalarynyŋ bırlesken otyrysynda Alatau qalasyna erekşe märtebe beru turaly Konstitusiialyq zaŋ jobasy qaraldy. Jiynda söz söilegen Mäjılıs deputaty Nūrtai Sabilianov būl bastamanyŋ qalany investisiia men innovasiiaǧa negızdelgen zamanaui ortalyqqa ainaldyruǧa baǧyttalǧanyn aitty, dep habarlaidy «Adyrna» ūlttyq portaly.
Deputattyŋ aituynşa, zaŋ jobasy Alataudy eldıŋ jaŋa ekonomikalyq ösım nüktesıne ainaldyruǧa baǧyttalǧan. Būl bastama 15 nauryzda ötken respublikalyq referendumda qabyldanǧan jaŋa Konstitusiiada bekıtılgen «qarqyndy damityn qala» arnaiy qūqyqtyq rejimımen tyǧyz bailanysty.
Nūrtai Sabilianov öz sözınde Memleket basşysy Qasym-Jomart Toqaevtyŋ investorlar üşın qolaily orta qalyptastyru – basym baǧyttardyŋ bırı ekenın atap ötkenın jetkızdı. Arnauly qūqyqtyq rejim osy maqsatqa jetudıŋ tiımdı qūraly retınde qarastyrylyp otyr.
Zaŋ jobasyna säikes, Alatau «aqyldy qala» qaǧidatymen damidy. Iаǧni sifrlyq tehnologiialar, jasandy intellekt, joǧary tehnologiialyq öndırıs jäne ǧylymi-innovasiialyq ortalyqtar qala damuynyŋ negızgı baǧytyna ainalady.
Qūjatta basqarudyŋ jaŋa modelı ūsynylǧan. Alatau qalasynyŋ Keŋesı strategiialyq şeşımder qabyldaityn joǧary organ bolady. Onyŋ qūramyn Prezident bekıtedı, al jūmysyn Premer-Ministr üilestıredı. Al negızgı atqaruşy organ retınde Äkımşılık investisiialyq jobalardy ıske asyru, käsıpkerlıktı damytu jäne infraqūrylymdy jetıldırumen ainalysady.
Sonymen qatar, zaŋ jobasynda investisiialyq jäne käsıpkerlık qyzmet, qala qūrylysy, sifrlyq äkımşılendıru salalarynda derbes şeşımder qabyldau mümkındıgı qarastyrylǧan. İnvestorlar üşın «bır tereze» qaǧidaty engızılıp, biznes jürgızu räsımderı jeŋıldetıledı.
Alatau qalasynyŋ qarjylyq modelı de erekşelenedı. Qalanyŋ jiyntyq biudjetı jergılıktı biudjet pen äkımşılık biudjetten qūralady. Būl jüie qarjy aǧyndaryn tiımdı basqaruǧa jäne ekonomikalyq jobalardy jedel ıske asyruǧa mümkındık beredı. Sonymen qatar investisiialyq jobalar üşın salyqtyq preferensiialar beru qarastyrylǧan.
Deputattyŋ mälımetınşe, zaŋ jobasyn talqylau barysynda 500-den astam ūsynys tüsken. Olar basqaru jüiesın naqtylau, sifrlyq qyzmetterdı damytu jäne jauapkerşılıktı küşeituge baǧyttalǧan.
Qūjatta sondai-aq mügedektıgı bar azamattar üşın qolaily orta qalyptastyru mäselelerı de eskerılgen. Biudjet qarajatynyŋ tiımdı jūmsaluyn qamtamasyz etu üşın mındettı audit pen tūraqty eseptılık engızu ūsynylyp otyr.
