Atyraýda er adam sotta ózin óltirmek bolǵan, dep habarlaıdy "Adyrna" ulttyq portaly Aqjaıyq basylymyna siltep.
Sot zalynda 40 jastaǵy er adam qaǵaz kesýge arnalǵan pyshaqpen óz tamyryn kesken. Sottalýshynyń oqys áreketi QR ÁQBtK-niń 608-baby ("Kólik quralyn alkogoldik, esirtkilik jáne (nemese) ýytqumarlyq masań kúıde basqarý") boıynsha 1,5 jyl merzimge bas bostandyǵynan aıyrý túrinde úkim shyǵarǵan sot sheshimimen kelispeý belgisi retinde jasalǵan.
Basylymnyń málimetinshe, bul sot atyraýlyq turǵynynyń alǵashqy sot otyrysy emes. Ol buǵan deıin QR QK 389-baby ("Ózin-ózi ustaı almaý") boıynsha sottalǵan.
Áleýmettik jelidegi sýretterde sot zalyndaǵy edenniń qan bolǵanyn kórýge bolady. Er adam sotta sharasyzdyqtan osyndaı áreketke barǵanyn aıtqan.
"Men sharshadym, qaıta-qaıta túrmege túsemin. Shyqqanyma bir jarym aı ǵana boldy. Eshqandaı ádiletsizdik joq, ózimdi óltire salamyn", – delingen jýrnalısterdiń aqparatynsha.
