Bügın Ükımet Parlamentke Türkıstanǧa ruhani-mädeni jäne tarihi ortalyq retınde damytu üşın erekşe märtebe beru turaly zaŋ jobasyn ūsynady, dep habarlaidy “Adyrna” ūlttyq portaly.
Qūjat Türkıstannyŋ Qazaqstannyŋ ruhani-mädeni jäne tarihi ortalyǧy retınde qalyptasuy men damuynyŋ, sondai-aq onyŋ memlekettık maŋyzyn tanudyŋ qūqyqtyq negızderın belgıleidı.
"Zaŋnyŋ qabyldanuy qalanyŋ tarihi-mädeni maŋyzy bar eskertkışterı men obektılerın, onyŋ ışınde Qoja Ahmet Iаsaui kesenesınıŋ bükılälemdık mūra obektısı retındegı qorǧau aumaǧynda ornalasqan eskertkışterdı, basqarudyŋ, saqtaudyŋ, olardyŋ tūtastyǧyn qoldaudyŋ oŋtaily jüiesın qūruǧa mümkındık beredı. Būdan bölek, kesene aumaǧynda ǧylymi arheologiialyq zertteuler men ǧylymi-restavrasiialau jūmystaryn josparlau men basqaruǧa mümkındık jasaidy.
Sondai-aq, zaŋ jobasy mädeni mūrany saqtau jäne jaŋǧyrtu, dästürlı qolönerdı damytudy, Türkıstan qalasyn ruhani-mädeni, tarihi jäne turistık ortalyq retınde damytu jäne ılgerıletudı közdeidı", - delıngen habarlamada.
Qoja Ahmet Iаsaui kesenesınıŋ bıregeilıgın saqtau, onyŋ ainalasynda böten qūrylys elementterıne, köşe jelılerın özgertuge jol bermeu maqsatynda tarihi ortalyqtyŋ qūrylysyn retteu aimaǧynda biıktıgı 7 metrden asatyn, sondai-aq tarihi eskertkıştermen auqymy, tüsı jäne qūrylys materialdarymen üilespeitın obektılerdıŋ qūrylysyna jol berılmeidı.
Jalpy Türkıstan qalasynyŋ tarihi-mädeni mūra obektılerın saqtau jäne qorǧau üşın ärbır obektıge tarihi-mädeni mūra obektılerın qorǧau jäne paidalanu salasyndaǧy zaŋnamaǧa säikes olardyŋ qorǧau aimaqtary belgılenedı. Būdan bölek, qalanyŋ bas josparyna engızıletın tarihi-säulet tırek josparlary men tarihi-mädeni mūra obektılerınıŋ tiıstı jergılıktı jerdıŋ karta-shemalary jasalady.
Būl rette qala aumaǧynda tarihi-mädeni mūra obektılerıne qauıp töndıretın qūrylys, şaruaşylyq qyzmettı jürgızuge tyiym salynady.
Arheologiia eskertkışterınıŋ tūtastyǧyn, tüpnūsqalyǧyn, qūndylyǧyn bolaşaq ūrpaq üşın saqtau maqsatynda Türkıstan qalasynyŋ arheologiia eskertkışterınıŋ rezervaty qūrylady. Arheologiia eskertkışterınıŋ rezervatyna engızılgen eskertkışterge qatysty qorǧau saiasaty arheologiia eskertkışın tūraqty inspeksiialau, ony aldyn ala kütım jasau jäne ony qoldau baǧdarlamalaryn paidalanuǧa negızdeledı.
Sondai-aq premer-ministr Oljas Bektenov "QR keibır zaŋnamalyq aktılerıne Türkıstan qalasyna erekşe märtebe beru mäselesı boiynşa özgerıster men tolyqtyrular engızu turaly" zaŋ jobasyn Parlament Mäjılısınıŋ qarauyna engızu turaly qaulyǧa qol qoidy. Zaŋ jobasy Türkıstan qalasynyŋ Qazaqstan Respublikasynyŋ ruhani-mädeni jäne tarihi ortalyǧy retınde damuyn qamtamasyz etuge mümkındık beretın tiımdı institusionaldyq orta qūru üşın uäkılettı organdardyŋ, sondai-aq jergılıktı ökıldı jäne atqaruşy organdardyŋ qūzyretterın keŋeituge baǧyttalǧan.
Zaŋ jobasy şeŋberınde jer paidalanu qūqyǧyn beru, turistık qyzmettı jüzege asyru, Türkıstan qalasynyŋ arheologiia eskertkışterınıŋ rezervatyn qalyptastyru jäne basqa da mäseleler boiynşa qosymşa qūzyretter beru ūsynylady.
Premer-ministr Oljas Bektenov "Türkıstan qalasynyŋ erekşe märtebesı turaly" zaŋ jobasyn Parlament Mäjılısınıŋ qarauyna engızu turaly qaulyǧa qol qoidy. Zaŋ jobasy Memleket basşysynyŋ Türkıstan oblysyna jūmys sapary barysynda bergen tapsyrmalaryn ıske asyru üşın äzırlendı.
Ūqsas jaŋalyqtar
