Biyl aua-raiynyŋ jaǧdaiyna bailanysty egın bıtık şyqpaǧan. Bıraq soǧan qaramastan qazaqstandyqtardyŋ nansyz qalmaitynyna Ükımet basşysy Älihan Smaiylov kepıldık berdı, dep habarlaidy "Adyrna" ūlttyq portaly Kursivke sılteme jasap.
«Biyl elımızdıŋ egınşılerı üşın öte qiyn jyl boldy. Jazda aptap ystyq pen qūrǧaqşylyqtan alqaptaǧy egın qatty zardap şektı. Tamyzdan bastap osy künge deiın üzdıksız jauyn-şaşyn astyqtyŋ sapasy men tüsımın tömendetıp jıberdı. Qolaisyz aua-raiy dihanǧa da tehnikaǧa da qolbailau boldy. Egın oraǧy ūzaqqa sozylyp kettı. Elevatorlarǧa tüsken bidaidyŋ 40%-ǧa juyǧy eşqandai klasqa jatpaidy. Alaida qazaqstandyqtar biyl nannan taryqpaidy. Ötken jyldan qalǧan qordy eskeretın bolsaq, jinalǧan önım kölemı äışkeı naryqty tolyqtai qamstamasyz etuge jetkılıktı», – dedı ol.Premer-ministr fermerlerge memleket tarapynan qajettı qoldau şaralary körsetılgenın aitty. Atap aitqanda ädıl satyp alu baǧasy belgılenıp, aiyppūl sanksiialaryn qoldanbai nesieler men qaryzdardy qaitaru merzımderı ūzartylǧan. Jeŋıldetılgen dizel otyny, onyŋ ışınde astyqty keptıru üşın qajettı otyn kölemı bölıngen.
«Subsidiialardy töleu boiynşa mındettemelerdı tolyq kölemde oryndau üşın şaralar qabyldanyp jatyr. Osylaişa ösımdık şaruaşylyǧy boiynşa alǧaşqy 30 mlrdy teŋgenıŋ subsidiialary bölındı. Sonymen qatar bidaidy tıkelei satyp alu üşın tiıstı qarjy bölu turaly şeşım qabyldandy. Taǧy da atap öteiın, ışkı naryqta bidaimen problema bolmauy kerek. Ūn jäne nan önımderı azyq-tülık korporasiiasymen öŋırlık tūraqtandyru qorlaryndaǧy rezervter arqyly qamtamasyz etılgen», - dedı Smaiylov.Dese de, ösımdık şaruaşylyǧynda keibır maŋyzdy mäseleler älı künge deiın şeşımın tappaǧanyn aitqan ministr jergılıktı atqaruşy organdar zamanaui suaru tehnologiialaryn dūrys ūiymdastyra almai jürgenıne toqtaldy.
«Būl su şyǧynyn azaityp, önımdılıktı arttyruǧa mümkındık berer edı. Elımızdıŋ qūbylmaly klimatyna beiımdelgen jergılıktı sorttardy ösıruge erekşe köŋıl bölu kerek. Bidaidyŋ jaŋa sorttaryn ösıru jūmystary naşar jürude. Agrarlyq ǧylymi jüienı tübegeilı qaita qarau kerek. Sondai-aq auylşaruşalyǧy tehnikalary parkın jaŋartu mäselesı de özektı bolyp qalyp otyr. Äbden tozyǧy jetken tehnika egıs jūmystarynyŋ sapasyna da özınıŋ kerı äserın tigızedı», - dep atap öttı ministr.Osyǧan bailanysty ükımet basşysy auylşaruaşlyǧy ministrlıgı men öŋır äkımdıkterıne jinalǧan egındı uaqtyly jäne sapaly keptıru jūmystarynyŋ aiaqtaluyn qamtamasyz etudı jäne astyqty saqtau jäne öŋdeu, tūqym qoryn daiyndau boiynşa barlyq qajettı şaralardy qabyldaudy tapsyrdy. Al Ūlttyq ekonomika jäne Qarjy ministrlıgıne fermerlerdı qoldau üşın qajettı qarajatty böludı qamtamasyz etu mäselesın jüktedı.
«Agroönerkäsıp keşenınıŋ onyŋ ışınde dändı-daqyldardyŋ otandyq seleksiiasynyŋ ǧylymi äleuetın damytu jönınde naqty ıs-şaralar qabyldau qajet. «Bäiterek» holdingımen bırlesıp auyl şaruaşylyǧy tehnikasy parkın jaŋartu boiynşa qosymşa yntalandyru şaralaryn äzırleudı tapsyramyn», - dedı premer-ministr.
«Adyrna» ūlttyq portaly
Ūqsas jaŋalyqtar
