Atyrau oblysy Qūlsary qalasynda sudy tehnikamen soru arqyly avariialyq-qūtqaru jūmystaryn jürgızu barysynda 2001 jylǧy qūtqaruşy köz jūmdy. Būl turaly tötenşe jaǧdai minisrlıgı mälımdedı, dep habarlaidy “Adyrna” ūlttyq portaly.
Aqparatqa säikes, 2024 jyly 29 mamyrda Atyrau qalasy №1 mamandandyrylǧan ört söndıru bölımınıŋ bölımşe komandirı azamattyq qorǧau serjanty Raqym Beibarys Jalǧasbaiūly Qūlsaryda su soru boiynşa avariialyq-qūtqaru jūmystaryn jürgızu barysynda qaitys bolǧan. Oqiǧanyŋ män-jaiy anyqtaluda.
Aita ketsek, Raqym Beibarys 2001 jyly Atyrau qalasynda tuǧan. Azamattyq qorǧau organdarynda 2021 jyldan bastap qyzmet etken. Osy qysqa uaqyt ışınde bırneşe ırı, kürdelı örtterge qatysyp, adam ömırın, mülkın qūtqaruda, qorǧauda bar küş-jıgerın salyp, halyq alǧysyna da bölengenı habarlanady.
«Beibarystyŋ artynda ata-anasy, bauyrlary men jary qaldy. Otbasyna, tuǧan-tuystaryna qaiǧyryp köŋıl aitamyz.Ol öz ısınıŋ käsıbi mamany retınde jüregımızde mäŋgı qalady. Ärıptesımızdıŋ imany salamat bolyp, peiışte nūry şalqyǧai», – dep köŋıl aitady departament.
Eske sala keteiık, biyl bırneşe öŋırdı su tasyp, ondaǧan audanda tötenşe jaǧdai jariialandy. Su tasqyny eŋ ülken qauıp tuǧyzyp otyrǧan öŋırler qatarynda Atyrau, Batys Qazaqstan, Soltüstık Qazaqstan, Qostanai oblystary bar. Qūlsary qalasynda eŋ kürdelı jaǧdai tırkelıp, adam şyǧyny tırkeldı.
Ūqsas jaŋalyqtar
