Atyraý oblysy Qulsary qalasynda sýdy tehnıkamen sorý arqyly avarııalyq-qutqarý jumystaryn júrgizý barysynda 2001 jylǵy qutqarýshy kóz jumdy. Bul týraly tótenshe jaǵdaı mınısrligi málimdedi, dep habarlaıdy “Adyrna” ulttyq portaly.
Aqparatqa sáıkes, 2024 jyly 29 mamyrda Atyraý qalasy №1 mamandandyrylǵan órt sóndirý bóliminiń bólimshe komandıri azamattyq qorǵaý serjanty Raqym Beıbarys Jalǵasbaıuly Qulsaryda sý sorý boıynsha avarııalyq-qutqarý jumystaryn júrgizý barysynda qaıtys bolǵan. Oqıǵanyń mán-jaıy anyqtalýda.
Aıta ketsek, Raqym Beıbarys 2001 jyly Atyraý qalasynda týǵan. Azamattyq qorǵaý organdarynda 2021 jyldan bastap qyzmet etken. Osy qysqa ýaqyt ishinde birneshe iri, kúrdeli órtterge qatysyp, adam ómirin, múlkin qutqarýda, qorǵaýda bar kúsh-jigerin salyp, halyq alǵysyna da bólengeni habarlanady.
«Beıbarystyń artynda ata-anasy, baýyrlary men jary qaldy. Otbasyna, týǵan-týystaryna qaıǵyryp kóńil aıtamyz.Ol óz isiniń kásibı mamany retinde júregimizde máńgi qalady. Áriptesimizdiń ımany salamat bolyp, peıishte nury shalqyǵaı», – dep kóńil aıtady departament.
Eske sala keteıik, bıyl birneshe óńirdi sý tasyp, ondaǵan aýdanda tótenshe jaǵdaı jarııalandy. Sý tasqyny eń úlken qaýip týǵyzyp otyrǵan óńirler qatarynda Atyraý, Batys Qazaqstan, Soltústik Qazaqstan, Qostanaı oblystary bar. Qulsary qalasynda eń kúrdeli jaǵdaı tirkelip, adam shyǵyny tirkeldi.
