AQŞ äskerı İran aumaǧyndaǧy nysandarǧa jaŋa soqqylar seriiasyn jasady. Būl turaly 10 mausymda AQŞ-tyŋ Ortalyq qolbasşylyǧy (CENTCOM) aitty, dep habarlaidy «Adyrna» tılşısı BBC-ge sılteme jasap.
«AQŞ Ortalyq qolbasşylyǧynyŋ küşterı Joǧarǧy bas qolbasşynyŋ būiryǧymen İrandaǧy bırneşe nysanǧa özın-özı qorǧau maqsatynda qosymşa soqqylar jasady. Būl – İrannyŋ negızsız ärı jalǧasyp jatqan agressiiasyna qarsy jauap», – dep mälımdedı qolbasşylyq.
Būqaralyq aqparat qūraldarynyŋ habarlauynşa, İrannyŋ kemınde alty audanynda jarylystar bolǧan.
Äskeri derekközderge sılteme jasaǧan Axios portalynyŋ mälımetınşe, şabuyl jasalǧan barlyq nysan İrannyŋ oŋtüstıgınde ornalasqan. Olardyŋ qatarynda äue şabuylyna qarsy qorǧanys jüielerı, radiolokasiialyq stansiialar, sondai-aq ūşqyşsyz ūşu apparattaryn basqaru jäne baqylau bölımşelerı bolǧan.
Keiınırek CENTCOM İrandaǧy nysandarǧa jasalǧan jaŋa soqqylardyŋ aiaqtalǧanyn habarlady.
Būǧan jauap retınde İran Bahrein men Kuveittegı amerikalyq äskeri bazalarǧa şabuyl jasaǧanyn mälımdedı. Būl – bır kün būryn İrannyŋ jauap soqqylarynyŋ nysanasyna ainalǧan ekı baza.
«İslam revoliusiiasy saqşylar korpusynyŋ Äue-ǧaryş küşterı men Äskeri-teŋız küşterı ekı kezeŋnen tūratyn operasiia jürgızıp, «Äl-Salem», «Ahmad äl-Jaber» jäne «Şeih İsa» äue bazalaryndaǧy AQŞ-tyŋ 18 maŋyzdy äskeri nysanyn soqqyǧa joidy», – dep habarlady Press TV telearnasy.
