Ýkraınada soǵys bastalǵaly Sheshenstan basshysy Ramzan Qadyrov urystarǵa qatysyp jatqan «aǵalary» týraly belsendi túrde aıtyp júr. Biraq qazir orys áskerine qarsy soǵysyp jatqan sheshender de bar. Sheshenstan basshysy olardy «sheshentildi shaıtandar» dep ataıdy. Bul týraly BBC jarııalady, dep habarlaıdy “Adyrna” ulttyq portaly.
Qazir Reseıge qarsy soǵysyp jatqan sheshenderdiń kóbi buryn Sheshenstanda turǵan. Ekinshi sheshen soǵysynan keıin olar Ýkraınaǵa kóship, 2014 jyly Lýgansk jáne Donek oblystaryna attanyp, eki erikti batalon qurdy.
«Munyń sebebi kóp, qysqasy, biz ǵasyrlar boıy, 400 jyl boıy orystarmen soǵysyp kelemiz», - deıdi sheıh Mansur eriktiler batalonynyń komandıri Mýslım Cheberloevskıı.
Qazir sheshender eriktiler retinde ǵana emes, Ýkraına qarýly kúshteriniń quramynda da soǵysýda. Mysaly, «Crazy Pack» shabýyl jasaǵynyń músheleri.
Alaıda musylmandar hrıstıan memleketi úshin soǵyspaýy kerek dep esepteıtin dindarlar olardy synaýda.
"Ýkraına Reseıden kelgen kóptegen musylmandarǵa pana berdi. Tipti Islam turǵysynan durys soǵys dep sanaýǵa bolady. Ruqsat etilgen soǵys", - dedi áleýmettik antropolog jáne Soltústik Kavkaz boıynsha sarapshy Denıs Sokolov.
“Adyrna” ulttyq portaly
