«Qazaqstan temir joly» AQ Álııa Nazarbaevaǵa qatysty kompanııamen Instant Payments temirjol bıletterin satý boıynsha kelisimdi buzdy. Bul týraly QTJ basqarma tóraǵasynyń orynbasary Ánýar Ahmetjanov málimdedi, dep habarlaıdy “Adyrna” ulttyq portaly.
«1 jeltoqsanda Instant kompanııasymen kelisim-shart buzyldy, qazir «Mobıldi portal» JShS jumys isteıdi. Bul kompanııa konkýrstyq negizde tańdaldy. Olar elektrondy bılet satý qyzmetin kórsetedi. Biz olarǵa satylǵan bılet úshin 29 teńgeden tóleımiz»,- dedi QTJ basqarma tóraǵasynyń orynbasary Ánýar Ahmetjanov.
Ol bul jeke kompanııa ekenin, onyń quryltaıshylary arasynda iri tulǵalar joq ekenin atap ótti.
«Mehanızm birdeı: biz bıletterdi satýǵa shyǵaramyz, bul kompanııa olardy agentter arqyly satady nemese onlaın satý uıymdastyrady» dep túsindirdi ol.
«Instant Payments» JShS-men kelisim 2014 jyly jasalǵan jáne 2023 jyldyń sońyna deıin jaramdy. 2022 jyldyń basyndaǵy Instant Payments kompanııasynyń negizin qalaýshy tuńǵysh prezıdent Nursultan Nazarbaevtyń qyzy Álııa Nazarbaeva boldy.
Esterińizge sala keteıik, 2022 jylǵy qańtar oqıǵasynan keıin «Qazaqstan temir joly» Ulttyq kompanııasy» AQ (QTJ) elektrondy temirjol bıletterin shyǵarý jáne satýmen aınalysatyn Instant Payments kompanııasymen kelisimshartty merziminen buryn buzyp jatqany belgili boldy.
