«Qazaqstan temır joly» AQ Äliia Nazarbaevaǧa qatysty kompaniiamen Instant Payments temırjol biletterın satu boiynşa kelısımdı būzdy. Būl turaly QTJ basqarma töraǧasynyŋ orynbasary Änuar Ahmetjanov mälımdedı, dep habarlaidy “Adyrna” ūlttyq portaly.
«1 jeltoqsanda Instant kompaniiasymen kelısım-şart būzyldy, qazır «Mobildı portal» JŞS jūmys ısteidı. Būl kompaniia konkurstyq negızde taŋdaldy. Olar elektrondy bilet satu qyzmetın körsetedı. Bız olarǧa satylǧan bilet üşın 29 teŋgeden töleimız»,- dedı QTJ basqarma töraǧasynyŋ orynbasary Änuar Ahmetjanov.
Ol būl jeke kompaniia ekenın, onyŋ qūryltaişylary arasynda ırı tūlǧalar joq ekenın atap öttı.
«Mehanizm bırdei: bız biletterdı satuǧa şyǧaramyz, būl kompaniia olardy agentter arqyly satady nemese onlain satu ūiymdastyrady» dep tüsındırdı ol.
«Instant Payments» JŞS-men kelısım 2014 jyly jasalǧan jäne 2023 jyldyŋ soŋyna deiın jaramdy. 2022 jyldyŋ basyndaǧy Instant Payments kompaniiasynyŋ negızın qalauşy tūŋǧyş prezident Nūrsūltan Nazarbaevtyŋ qyzy Äliia Nazarbaeva boldy.
Esterıŋızge sala keteiık, 2022 jylǧy qaŋtar oqiǧasynan keiın «Qazaqstan temır joly» Ūlttyq kompaniiasy» AQ (QTJ) elektrondy temırjol biletterın şyǧaru jäne satumen ainalysatyn Instant Payments kompaniiasymen kelısımşartty merzımınen būryn būzyp jatqany belgılı boldy.
