Ár qazaq sapaly, senimdi kólik mingisi keledi. Biraq syrttan kirgizgen kólikke eki ese artyq alym tóletedi. Óıtkeni, Qytaıdyń kólikteri ótýi tıis. Buryn da solaı bolǵan, ıaǵnı, orystyń kólikteri ótýi tıis bolǵan.
Biz eki alyptyń ortasyndaǵy dármensiz el bolyp otyrmyz. Kónbesek, ákemizdi tanytady. Ne isteý kerek?
Siz Qytaıdyń kóligin almańyz. Ultyńyzdyń bolashaǵy úshin jaıaý júrińiz nemese basqa amalyn tabyńyz. Sonda naryqtan ózderi-aq ketedi. Nemese arzandaıdy. Kim bankrot bolǵysy keledi deısiń.
Osyǵan uqsas ádisti brıtan otarlaýshylaryna qarsy Gandı qoldandy dep estip edim.
Eger orys tili sizdiń ultyńyzdyń táýelsizdigine nuqsan keltirip jatqanyn baıqasańyz, ol tilde sóılemeńiz. Reseıge barǵanda ǵana sóıleńiz.
Evolıýııalyq damý barysynda qoldanylmaı qalǵan múshe ózinen ózi joıylatyny nemese damymaı qalatyny týraly teorııa bar. Rýdıment dep atalady. Qazir táýelsiz Qazaqstanda qazaq tili rýdıment bolyp bara jatqan joq pa dep qaýiptenemiz.
Qaıyrbek Shaǵyr
