Bügın Taraz qalasynda «Taza Qazaqstan» aksiiasy aiasynda kanaldar men aryqtar tazalanuda.
500-den astam erıktıler men belsendı jastar jäne qala tūrǧyndary qatysqan aksiia «Densaulyq» saiabaǧyndaǧy «Qarasu-2» kanalynyŋ jaǧalauynda öttı.
«Taza Qazaqstan» aksiiasy bastalǧannan berı Jambyl oblysynda 816,6 şaqyrym kanal men aryq qoqystardan tazartylǧan. Būl jūmystarǧa erıktıler, jastar, tūrǧyndar qatysty.
Bügınde Taraz qalasyndaǧy «Qapal», «Üşbūlaq», «Qarasu-1», «Qarasu-2», «Töregeldı» kanaldaryn mehanikalyq tazalau jūmystary jürgızılude. Aǧymdaǧy jyldyŋ soŋyna deiın 300 şaqyrymǧa juyq kanaldar men aryqtar tazartylatyn bolady.
Būǧan deiın aimaq basşysy oblys ortalyǧyndaǧy su kanaldary men aryqtardyŋ jai-küiımen tanysyp, keşendı tazalaudan ötkızu boiynşa qala basşylyǧyna naqty mındetter jüktegen bolatyn.
Soǧan säikes, qazırgı taŋda 6 kanalda mehanikalyq tazalyq jūmystary bastalyp ülgerdı. Jalpy, biyl qaladaǧy 8 kanal tazalaudan ötedı.
- Taraz qalasyndaǧy kanaldardyŋ tazalyǧy nazardan tys qalǧan emes. Būl jūmystar «Taza Qazaqstan» aksiiasy aiasynda qaita jandana tüstı. Men tūratyn «Qarasu» şaǧyn audanyndaǧy jaǧalau qalamyzdyŋ körıktı jerlerınıŋ bırıne ainalyp keledı. Būryn qamys pen qoǧa basyp jatqan aimaq bügınde taldar egılıp, gülmen kömkerılgen körıktı mekenge ainaldy. Keşkısın otbasymyzben şyǧyp, osynda seruendeudı dästürge ainaldyrdyq, -deidı qala tūrǧyny Baqytjan Toqbolatov.
Ūqsas jaŋalyqtar
