Bügın Qart Qarataudyŋ bökterınde Jambyl oblysy äkımdıgınıŋ ūiymdastyruymen «Qyzǧaldaq mūra» halyqaralyq festivalı öttı, dep habarlaidy aqjolgazet.kz.
Talas audanyna qarasty Eseihan auyly maŋynda ötken auqymdy şara biyl ekınşı märte joǧary deŋgeide ūiymdastyrylyp otyr.
Ūlttyq qūndylyqtardy ūlyqtaudy, öŋırdıŋ turistık klasterın damytudy maqsat tūtqan ıs-şaraǧa 3 myŋǧa juyq adam qatysty. Sondai-aq halyqaralyq festivalge Gollandiia, Qytai, Türkiia, Singapur, AQŞ, Täjıkstan, Türkımenstan, Özbekstan, Ukraina, Finliandiia, Şveisariia jäne Chehiia elderınen 38 şeteldık qonaq keldı.
Dästür-saltty därıpteitın aşyq aspan astynda ötken auqymdy festivalde 20-dan astam aqşaŋqan kiız üi tıgılıp, mädeni köpşılık, sporttyq būqaralyq ıs-şaralar legı ūiymdastyryldy. Konserttık baǧdarlamaǧa säikes, älemdık şaranyŋ älqissa «Qyzǧaldaqtyŋ şyǧu tarihy» taqyrybyndaǧy teatrlandyrylǧan qoiylymmen bastaldy. Sondai-aq merekelık keşte estrada jūldyzdary Toqtar Serıkov, Beibıt Seidualieva jäne Serık İbragimov, sondai-aq K.Äzırbaev atyndaǧy Jambyl oblystyq filarmoniiasynyŋ ärtısterı öner körsettı.
Sonymen qatar festival şeŋberınde «Auyl» halyqtyq-demokratiialyq patriottyq partiiasynyŋ qoldauymen jäne demeuşılıgımen jülde qory 5 million teŋgenı qūraityn ūlttyq sport oiyndarynyŋ 8 türınen jarys öttı. Atap aitqanda, audaryspaq, qazaq küresı, qoşqar köteru, qol küresı, dästürlı sadaq atu, arqan tartu, asyq atu ūiymdastyryldy.
Al halyqaralyq festivaldıŋ körkın qyzdyrǧan negızgı ıs-şara – «Üzdık bie sauynşy» saiysy. Qazaqtyŋ kenje qalǧan «Qymyzmūryndyq» dästürın jaŋǧyrtudy közdegen atalǧan saiysqa da demeuşıler tarapynan 1 million teŋge jülde qory qarastyryldy. Tıptı ärbır qatysuşyny yntalandyru maqsatynda 50 myŋ teŋgeden qarjylai syiaqy tabystaldy.
Festivaldıŋ qorytyndy sätınde söz alǧan Jambyl oblysy äkımı Erbol Qaraşökeev festivaldıŋ män-maŋyzyna keŋırek toqtaldy.
– Tabiǧat pen mädeniet toǧysqan kielı mekende «Qyzǧaldaq mūra» halyqaralyq turistık festivalı ekınşı ret ūiymdastyrylyp otyr. Būl – halqymyzdyŋ jüregınde saqtalǧan mäŋgılık mūramyzdyŋ jarqyn körınısı. Kün nūryna şomylǧan qyzǧaldaqtar alqaby – tabiǧattyŋ sūlu körkı ǧana emes, dala örkenietınıŋ ünsız şejıresı, ūlttyq ruhtyŋ tırı kuäsı. Osy igı bastama arqyly tabiǧat pen dästürdı nasihattai otyryp, keleşek ūrpaqqa amanat bolar asyl qūndylyqtardy ūlyqtadyq. Festival aiasynda ǧasyrlardan syr şertetın «Qymyzmūryndyq» dästürın jäne ūlttyq sport saiystaryn tamaşaladyq. Qolönerşılerdıŋ tuyndylary halqymyzdyŋ şeberlıgı men önerge degen süiıspenşılıgın paş ettı, – dedı aimaq basşysy.
Is-şaranyŋ tūzdyǧy sol, festival aiasynda Jambyl oblysyna sonau Niderlandydan jetkızılgen 40 myŋ qyzǧaldaq tūqymynyŋ sertifikaty saltanatty türde tabystaldy. Kärı qūrlyqtan kelgen şeteldık meiman ıs-şaraǧa qatysty öz äserlerımen bölısıp, gollandiialyq qyzǧaldaq tūqymdasynyŋ şyǧu tarihyna az-kem toqtaldy.
Aita keterlıgı, festival öte joǧary deŋgeide ūiymdastyrylǧan. Adam qarasy köp bolsa da qymquyt qarbalas joq. Oblys ortalyǧynan festival ötetın aumaqqa deiın arnaiy marşrut tüzılgen. Keluşılerge arnalǧan tegın tasymaldau jolǧa qoiylǧan. Ol üşın jolauşylarǧa arnalǧan 30 avtobus, 45 jol talǧamaityn kölık qarastyrylǧan. Tıptı qauıpsızdık mäselesı de nazardan tys qalmaǧan. Festival aumaǧynda jäne qyzǧaldaq alqabynda qoǧamdyq tärtıp pen qauıpsızdıktı qamtamasyz etu üşın 40 patruldık avtokölık, 4 ört söndıru tehnikasy jäne 4 jedel järdem brigadasy jūmyldyrylǧan. Sondai-aq festival aumaǧynda 30 ekologiialyq sanitarlyq torap ornatyldy.
Aita keteiık, älem boiynşa qyzǧaldaqtyŋ 34 türı tırkelgen bolsa, onyŋ 11 türı Jambyl oblysynda kezdesedı. Al «Qyzyl kıtapqa» engen qyzǧaldaqty jūlǧany, zaqymdaǧany jäne ösken ortasyn büldırgenı üşın 12,9 million teŋgege deiın aiyppūl nemese özge de qylmystyq jauapkerşılık qarastyrylǧan.
