Bügın, 26 mamyr künı Almatyda Qazaq taǧamtanu akademiiasynyŋ prezidentı, Qazaqstannyŋ Eŋbek Erı, akademik Töregeldı Şarmanovty aqtyq saparǧa şyǧaryp saldy, dep habarlaidy “Adyrna” ūlttyq portaly kz kazinform.kz saityna sıltep.
Töregeldı Şarmanovpen qoştasu räsımı Almaty qalasynda S.D. Asfendiiarov atyndaǧy Qazaq ūlttyq medisina universitetınıŋ «Concordia» teatrynda öttı.
Belgılı otandasymen qoştasuǧa memleket jäne qoǧam qairatkerlerı, ükımet müşelerı, oblys äkımderı, parlament deputattary, medisina jäne basqa da salalardyŋ ökılderı keldı.
«Memleket jäne qoǧam qairatkerı, akademik Töregeldı Şarmanovtyŋ otbasy men tuystaryna. Asa körnektı ǧalym, Taǧam tanu akademiiasynyŋ prezidentı, Qazaqstannyŋ Eŋbek Erı Töregeldı Şarmanovtyŋ ömırden ötuıne bailanysty qaiǧylaryŋyzǧa ortaqtasyp, köŋıl aitamyn.Töregeldı Şarmanūly sanaly ǧūmyryn ūlt densaulyǧyna arnaǧan bıregei tūlǧa, biık parasat iesı edı. Otandyq medisinanyŋ alǧa basuyna, bar qajyr-qairatyn jūmsap, köptegen igı ıske bastamaşy boldy. Qazaq taǧamtanu ǧylymynyŋ kökjiegın keŋeitıp, düniejüzı ūiymy IýNİSEF jäne basqa da halyqaralyq ūiymdarmen yntymaqtastyq bailanys ornata bıldı. Özınıŋ jaŋaşa mektebın qalyptastyryp, ūlaǧatty ūrpaq tärbieledı.Ainalasyna syily, ǧibratty ǧūmyr keşken Töregeldı Şarmanūlynyŋ jarqyn beinesı halyqymyzdyŋ jüregınde mäŋgı saqtalady. Marqūmnyŋ imany salamat, jany janatta bolsyn», — delıngen memleket basşysynyŋ köŋıl aitu hatynda.
T. Şarmanov Almatydaǧy Keŋsai ziratyna jerlendı.
Töregeldı Şarmanov 1930 jyly 19 qazanda Qaraǧandy oblysynyŋ Ūlytau audanynda düniege kelgen. Qaraǧandy memlekettık medisina institutyn jäne onyŋ aspiranturasyn bıtırgen.
Töregeldı Şarmanūly Respublikanyŋ Densaulyq saqtau ministrlıgın 12 jyl basqaryp, alǧaşqy medisinalyq-sanitarlyq kömektıŋ teŋdesı joq jüiesın qūrdy. 1974 jyldan bastap respublikadaǧy jetekşı ǧylymi ūiymdardyŋ bırı – Qazaq taǧamtanu akademiiasynyŋ tūraqty meŋgeruşısı.
2005 jyly akademik Şarmanovqa Düniejüzılık densaulyq saqtau ūiymynyŋ joǧary erekşelık därejesı – Leon Bernard syilyǧy berıldı, onyŋ iegerı bükıl älem tarihynda nebärı 29 adam bolǧan. Būl densaulyq saqtau salasyndaǧy Nobel syilyǧynyŋ bır türı sanalady.
Eske salaiyq, 25 mamyrda medisina ǧylymdarynyŋ doktory, professor, gigienist-nutrisiolog ǧalym, Qazaqstannyŋ eŋbek sıŋırgen qairatkerı, akademik Töregeldı Şarmanov 94 jasqa qaraǧan şaǧynda ömırden öttı.
Ūqsas jaŋalyqtar
