Qazaqstan Prezıdenti Qasym-Jomart Toqaev akademık Tóregeldi Sharmanovtyń qaıtys bolýyna baılanysty kóńil aıtty, dep habarlaıdy “Adyrna” ulttyq portaly Aqordanyń baspasóz qyzmetine siltep.
Memleket basshysy asa kórnekti ǵalym, Qazaq taǵamtaný akademııasynyń prezıdenti, Qazaqstannyń Eńbek Eri Tóregeldi Sharmanovtyń dúnıeden ótýine baılanysty onyń otbasy men jaqyn týystaryna kóńil aıtty.
“Tóregeldi Sharmanuly búkil sanaly ǵumyryn ult densaýlyǵyna arnaǵan biregeı tulǵa, bıik parasat ıesi edi. Otandyq medıınanyń alǵa basýyna bar qajyr-qaıratyn jumsap, kóptegen ıgi iske bastamashy boldy. Qazaq taǵamtaný ǵylymynyń kókjıegin keńeıtip, Dúnıejúzilik densaýlyq saqtaý uıymy, IýNISEF jáne basqa da halyqaralyq uıymdarmen yntymaqtastyq baılanys ornata bildi. Óziniń jańasha mektebin qalyptastyryp, ulaǵatty urpaq tárbıeledi. Aınalasyna syıly, ǵıbratty ǵumyr keshken Tóregeldi Sharmanulynyń jarqyn beınesi halqymyzdyń júreginde máńgi saqtalady. Marqumnyń ımany salamat, jany jánnatta bolsyn”, – dep jazylǵan jedelhatta.
