Qazir dúnıege bala kelse de, aıǵaılap, álemge jar salyp, ulan-asyr toı jasaımyz. «Jasym pálenbaıǵa keldi» dep múmkinshiligine, aınalasyndaǵy adamdardyń jaı-kúıine qaramastan, dúrkiretip toı jasaý da ádetke aınaldy. Ysyrapshyldyq basym. Munyń bári jaqsylyq emes.
Jurttyń as ta tók toı jasaýy - ultty úlken qaterge uryndyratyn dert.
Qanshama qarakózder toıyp tamaq ishe almaı, jarytyp kıim kıe almaı júrgende, qansha daryndy balalar qarjynyń joqtyǵynan tıisti bilim ala almaı júrgende, jan balasyna paıdasy joq nársege aqsha shashamyz. Bul ekonomıkaǵa, moraldyq jaǵdaıǵa úlken yqpal jasaıdy. Qazir toıshyldyqtyń zamany emes, qazir oıshyl bolǵan elder utady.
