Baqandaı bes mekteptiń oqýshylaryn úsitip, kómirdi joq qylǵan shendiler jazalanatyn boldy

2562
Adyrna.kz Telegram
Túrkistan oblysy, Jetisaı aýdanynda baqandaı bes mekteptiń oqýshylary qys boıy qabyrǵasyna muz qatqan sýyq mektepte dirdektep, amalsyz sabaq oqýǵa májbúr bolǵan. Sebebi qarajat bólinbeı, bul bilim berý nysandary kómirsiz qalǵan, dep habarlaıdy "Adyrna" ulttyq portaly. 

Prokýratýra bilim bóliminiń bylyqtaryn tekserip, mektepterge kómir qarajat bólinbegenin anyqtady, dep jazady otyrar.kz. Saldarynan myńdaǵan oqýshy sýyq synyptarda sabaq oqýǵa májbúr.

Jeltoqsan jáne qańtar aılarynda oqýshylar ýaqytsha basqa mektepterge aýystyrylypty. Jylýdy qamtamasyz etýge jaýapty adamdar jospar boıynsha mektep gazben jylytylýy kerektigin jetkizdi. Alaıda, qujattar ýaqytyly daıyndalmaǵandyqtan, oqý orny bilim berý maýsymy bastalǵanda gazsyz da, kómirsiz de qalǵan.

Buǵan qatysty jaýapty mamandar jaýap berdi:

- "Jetisaı aýdandyq adamı áleýetti damytý bóliminiń qyzmetkerleri, ekonomıster men býhgalterler tártiptik jaýapkershilikke tartyldy. Qazirgi ýaqytta barlyq kemshilikter joıyldy, búginde barlyq bes mektep qatty otynmen tolyqtaı qamtamasyz etildi", - dedi Jetisaı aýdany prokýrorynyń orynbasary Rysbek Ernazarov.

Kúnniń kúrt sýýyna baılanysty óńir mektepterinde kómir qory tez taýsyla bastaǵan. Quqyq qorǵaý organdary arnaıy aralasyp, kiltımannyń sheshimin tabýǵa, jaǵdaıdy turaqtandyrýǵa muryndyq boldy.

"Adyrna" ulttyq portaly 

Pikirler