Mádenıet jáne aqparat mınıstrligi ártisterdiń konert kezindegi ádepsiz áreketi úshin jaýapkershilik engizýdi usyndy. Mınıstrliktiń buıryq jobasy Ashyq NQA saıtynda jarııalandy, dep habarlaıdy “Adyrna” ulttyq portaly.
Mádenı is-shara barysynda kórermendermen qarym-qatynas jasaý kezinde óner qaıratkerleriniń jónsiz minez-qulyq tanytýyna, kórermenderge balaǵat sóz sóılep, ádepsiz qylyq kórsetýine, alkogoldik ishimdik iship, alkogoldik nemese esirtkilik masań kúıde bolýyna, sondaı-aq psıhotroptyq zattardy, olardyń analogtary men prekýrsorlaryn qabyldaýyna jaýapkershilik engizilmek.
Mádenıet mınıstrligi mas kúıinde sahnaǵa shyqqan ártisterge aıyppul kólemin de belgiledi.
Mundaı qylyqtary úshin:
Jeke tulǵalarǵa 150 AEK (553 800 teńge)
Zańdy tulǵalarǵa 300 AEK (1 mln 107 600 teńge) Osyndaı áreketter qaıtalanǵan jaǵdaıda:
Jeke tulǵalarǵa 200 AEK (738 400 teńge)
Zańdy tulǵalarǵa 600 AEK (2 mln 215 200 teńge)
