"Asa auyr qylmysty künı būryn uädelespei jasyryp qalu" baby boiynşa 4 jylǧa sottalǧan Baijanovtyŋ qorǧauşysy ükımmen kelıspeitının aitty, dep habarlaidy "Adyrna" ūlttyq portaly Nege.kz-ke sıltep.
13 mamyr künı Astana qalasynyŋ qylmystyq ıster jönındegı mamandandyrylǧan audanaralyq sotynda Bişımbaev pen Baijanovqa qatysty qylmystyq ıs boiynşa ükım jariialandy. Būl ıste küdıktı dep tanylǧan Baqytjan Baijanovqa QK-nıŋ 432-baby – asa auyr qylmysty künı būryn uädelespei jasyryp qalu baby boiynşa 4 jyl jaza taǧaiyndaldy. Ükım oqylǧan soŋ sottaluşy Baijanov būl şeşımmen kelıspeitının aitty.
Advokat Ǧaziz Yntyqbaev özınıŋ qorǧauyndaǧy Baijanovtyŋ būl ükımmen kelıspeitının rastady.
Qorǧauşynyŋ aituynşa, Baijanovtyŋ äreketınde eşqandai da qylmystyŋ qūramy joq. Būl turaly däleldı egjei-tegjeilı sotqa da ūsynǧanyn atap öttı.
"Qazır ǧana izoliatorǧa baryp, Baqytjan Baijanovpen kezdesıp kele jatyrmyn. Bızde apelliasiialyq şaǧym tüsıruge 15 täulık uaqyt bar. Kelesı aptanyŋ aiaǧyna deiın mındettı türde şaǧym beremız. Odan keiın Astana qalalyq soty qaraidy. Sodan keiın ǧana ükım küşıne enedı", - deidı ol.Ǧaziz Yntyqbaev būl ükımdı Baijanovtyŋ auyr qabyldaǧanyn aitady.
"Özıŋız oilaŋyzşy, jazyqsyz, eşteŋenı bılmegen adamdy 4 jylǧa sottap jıberdı. Būl oqiǧa bolyp jatqan 8 qaraşadan 9-yna qaraǧan künı Baijanov bala-şaǧasymen üiınde jatqan adam. Özı ışpeidı, namaz oqityn jıgıt. Ol sol kezde «Taŋerteŋ jūmysqa baramyn, keşke qarai qolyma kısen salyp, 4 jylǧa sottap jıberedı» degen oi basyna kırıp te şyqqan joq. Sot prosesı bastalmai tūryp-aq bärın Baqytjannan büge-şıgesıne deiın sūradym. «Taŋerteŋnen keşke deiın hronologiiasyn jazyp şyq» dedım. Öz basym Baijanovqa 100 paiyz senemın", - dedı advokat.Aita keteiık, äielın öltırgen Quandyq Bişımbaev 24 jylǧa sottalsa, qylmys turaly der kezınde habarlamaǧan degen aiyppen Baijanov 4 jylǧa bas bostandyǧynan aiyryldy. Üilestıruşı-sudia Alma Esımova Bişımbaevtyŋ şartty türde merzımınen būryn bosatu turaly ötınıştı tek 2040 jyly bere alatynyn aitty.
Ūqsas jaŋalyqtar
