Áıelin aıaýsyz óltirdi dep aıyptalǵan eks-mınıstr Qýandyq Bıshimbaevtyń isi Astananyń qylmystyq ister jónindegi mamandandyrylǵan aýdanaralyq sotynda qaralýda, dep habarlaıdy “Adyrna” ulttyq portaly.
Búgin sot otyrysynda alqabılerdiń biri aýystyryldy. Bul týraly sýdıa aıtty.
"Proeske qatysýshylar nazaryna, sot otyrysy zalyna densaýlyq jaǵdaıy boıynsha 2 nómirli alqabı kelgen joq. Qylmystyq is júrgizý kodeksiniń 645-babyna sáıkes alqabıler men qosalqy alqabıler isti sot talqylaýy kezinde únemi qatysýǵa tıis. Eger sot talqylaýy barysynda, biraq, alqabı men sýdıa úkim shyǵarý úshin keńesý bólmesine shyqqanǵa deıin alqabılerdiń kez kelgeni sot otyrysyna qatysýdy jalǵastyra almaıtyny anyqtalsa, onda ol qosalqy alqabılerdiń tegi kórsetilgen bıletter jáshikten shyǵarylǵan tártippen qosalqy alqabılermen aýystyrylady. Osyǵan baılanysty Qylmystyq is júrgizý kodeksiniń 645-babyna sáıkes №11 zapastaǵy alqabıden №2 alqabıdiń ornyna otyrýdy suraımyn", - dedi sýdıa Aıjan Kýlbaeva.
