Eks-mınıstr Qýandyq Bıshimbaevtyń qolynan qaza tapqan Saltanat Núkenovanyń aǵasy qaıǵyly oqıǵa oryn alǵan meıramhanadaǵy baqylaý kameralaryna túsken kadrlardy jarııalady, dep habarlaıdy “Adyrna” ulttyq portaly.
Qaryndasynyń ólimin egjeı-tegjeıli zerttep júrgen Aıtbek Amangeldi muny Qýandyq Bıshimbaevtyń advokattarynyń málimdemesine jaýap retinde shyǵarǵanyn aıtady.
Ol “óziniń bul vıdeony jelige eshqashan salǵysy kelmegenin, alaıda Bıshimbaevtyń zańgerleri basqa amal qaldyrmaǵanyn” aıtady. Aıtýynsha, vıdeo sol mekemedegi beınebaqylaý kameralaryna túsirilgen.
Beınejazbadan er adamnyń áıeldi uryp jerge qulatyp, judyryqpen soǵyp, tepkenin baıqaýǵa bolady. Núkenovanyń aǵasy kadrlarda Bıshimbaev pen onyń qaryndasy beınelengenin aıtady.
Sondaı-aq, ol eks-mınıstrdiń advokattarynyń suhbatta aıtqan sózderi ótirik ekenin jetkizdi.
"Medıınalyq saraptamanyń qorytyndysy bar. Sarapshylar onyń basynan kem degende 13 ret soqqy alǵanyn anyqtady ", - dep jazady Núkenovanyń aǵasy.
Ol qolynda Bıshimbaevtyń marqum áıeline ártúrli dene bólikterine birneshe ret soqqy jasaǵany kórinetin birneshe rakýrstan túsirilgen vıdeolardyń bar ekenin jetkizgen.
“Saltanattyń edende jatqan denesi kórinetin sýretter bar. Túni boıy aıqaı men soqqynyń daýysyn estigen kýágerlerdiń aıǵaqtary bar”, – deıdi Aıtbek Amangeldi.
