“Eski Qazaqstannyń” birneshe ókiliniń múlikteri Dýbaıdan tabyldy, dep habarlaıdy “Adyrna” ulttyq portaly Vlast-qa silteme jasap.
Eks-prezıdent Nursultan Nazarbaevtyń týystarynyń, Májilistiń burynǵy spıkeri Nurlan Nyǵmatýlınniń jáne «eski Qazaqstannyń» birneshe ókilderiniń Dýbaıda qymbat jyljymaıtyn múlik túrindegi kóptegen aktıvteri bar ekeni anyqtaldy.
Burynǵy prezıdent Nursultan Nazarbaevtyń jubaıy, «Astana Balet» teatrynyń art-jetekshisi Ásel Qurmanbaevanyń múlikteri tabyldy. Dýbaıdaǵy jyljymaıtyn múlkiniń quny 270 myń dollardan asatyn páter. Qurmanbaeva 2000-jyldary "offshorlyq kompanııalar arqyly Nazarbaevtyń jaqyn adamdarynan 30 mıllıon dollar alǵany" anyqatldy.
Al Májilistiń eks-spıkeri Nyǵmatýlınniń áıeli Venera Baımyrzaevadan ondaǵan jyljymaıtyn múlik tabyldy.
Derekkózde mamandyǵy kásipker delingen Venera Baımýrzaevanyń Dýbaıdaǵy jyljymaıtyn múlki birneshe. Naqtyraq, jalpy quny 4,3 mıllıon dollardan asatyn 50-den astam jyljymaıtyn múlik kórsetilgen.
Odan bólek, Ortalyq saılaý komıssııasynyń burynǵy basshysy Berik Imashevtyń uly Áljan Imashevtyń Dýbaı qalasyndaǵy Nazarbaevtyń ekinshi áıeli qonystanǵan jasandy aral aýmaǵynda quny 1 mıllıon dollardan asatyn páteri bolǵan. Aıta keterligi, quny shamamen 210 myń dollar turatyn páterdi Ortalyq saılaý komıssııasynyń burynǵy basshysy qyzmetin atqarǵan Imashevtyń áıeli Leıla Aıdarbekovadan da taýyp alǵan.
Dýbaıda taǵy múlki bar birneshe ókilder anyqtaldy.
Almaty oblysynyń burynǵy ákimi Amandyq Batalovtyń áıeli Baǵdat Batalova Dýbaıdaǵy elıtalyq turǵyn úı kesheninen quny shamamen 210 myń dollar turatyn eki bólmeli páterdiń ıesi. Isti bolǵan burynǵy qorǵanys vıe-mınıstri Baǵdat Maıkeevtiń Dýbaıda quny 500 myń dollardan asatyn páteri bar.
Bul tizimde burynǵy Ishki ister mınıstri Qalmuhanbet Qasymovanyń áıeli Dına Qasymovanyń da esimi tabyldy. Onyń quny 400 myń dollardan asatyn bir bólmeli páter bolsa, «QazMunaıGaz» UK» AQ burynǵy basshysy Alık Aıdarbaevtyń aǵasy Erjan Aıdarbaev jalpy quny 570 myń dollardan asatyn eki bólmeli páterdiń úsheýin ıemdengen.
Al sottalyp, túrmede jazasyn ótegen Nazarbaevtyń nemere inisi Qaırat Satybaldynyń Dýbaıda quny 2,2 mıllıon dollardan asatyn bes páteri bar ekeni belgili boldy.
Eks-prezıdenttiń qyzy Darıǵa Nazarbaevanyń kúıeýiniń týystary da birneshe múlik ıelengen. Qaırat Sháripbaevtyń qyzy Qorlan Sháripbaevanyń atynda Dýbaıdaǵy shamamen 250 myń dollar turatyn páter bar.
Qańtar oqıǵasy boıynsha tergelip jatqan Ishki ister mınıstrliginiń burynǵy basshysy Erlan Turǵymbaevtyń uly Marlen Turǵymbaevqa quny 347 myń dollar turatyn páter tıesili bolsa, Shyǵys Qazaqstan oblysynyń eks-ákimi Danıal Ahmetovtyń uly Talǵat Ahmetovtyń atynda shamamen 1,6 mıllıon dollar turatyn vılla bar.
Al Túrkistan oblysynyń eks-ákimi Ómirzaq Shókeevtiń aǵasy Serik Estaı men jubaıy Aıjan Asanovanyń atynda jalpy quny 1,7 mıllıon dollarǵa jýyq 8 páter bar ekeni belgili boldy.
Odan bólek, quqyq qorǵaý organdarynyń burynǵy joǵary laýazymdy qyzmetkeri Sergeı Kýzmenkonyń atynda da múlik bar ekeni anyqtaldy. Kýzmenkonyń Dýbaıda quny 348 myń dollar bolatyn eki bólmeli páteri bar bolyp shyqty.
