Májilis depýtaty Aıdos Sarym jýrnalıst Nartaı Aralbaıulyna bergen suhbatynda Nazarbaev áýleti músheleriniń qaıda júrgenin aıtty, dep habarlaıdy “Adyrna” ulttyq portaly.
«Qazaqstannan shyqqan úsh myńnan astam adam Dýbaıdaǵy 1 mlrd dollardyń múlkin ıelenip otyr. Bizde mıllıarderlerge qyzmet etetin pysyqaılar bar. Sol sııaqtylar shyǵar azamattyq alǵan. Nazarbaev áýletiniń birazy Dýbaıda júr. Sháripbaevtyń, Satybaldynyń áńgimesi bar. Estýimshe, «Samat Ábishke order berilipti» degen áńgime bar. Árıne, bir-eki týystaryń qylmysty bolsa, múlki tárkilense unamaıdy ǵoı. Olar da oılanyp, kúdiktenedi», – dedi májilismen.
Sondaı-aq, depýtat Nursultan Nazarbaevtyń Qazaqstan tarıhyndaǵy orny eleýli ekenin joqqa shyǵarýǵa bolmaıtynyn aıtty.
«Konstıtýııadan Elbasy ataǵyn alyp tastaǵany Nursultan Nazarbaevtyń júregine batatyn shyǵar. Biraq bireýge unasyn, unamasyn bir sóz aıtaıyn. Nusrultan Nazarbaev – Qazaqstan tarıhynyń myzǵymas bir bóligi. Osy memleket qalatyn bolsa Nazarbaevtyń aty atalady. Saıasat degen aq pen qaranyń qaqtǵysy emes, álem túrli-tústi», – dedi Aıdos Sarym.
”Adyrna” ulttyq portaly
