Qazaqstan IIM İnterpol Ūlttyq ortalyq biurosynyŋ sūrauy boiynşa Dubai qalasynda Qazaqstan Respublikasynyŋ azamaty ūstaldy, dep habarlaidy "Adyrna".
Ol elımızdıŋ Qylmystyq kodeksınıŋ 99-baby 2-bölıgı (Adam öltıru) boiynşa qylmys jasady degen küdıkpen halyqaralyq ızdeude jürgen. Küdıktı «Lenovo Qazaqstan» kompaniiasynyŋ korporativtık satu jönındegı direktoryn qastandyqpen öltırudı ūiymdastyrdy degen küdıkke ılıngen.
Qylmysqa tehnika jetkızuge bailanysty alynǧan qaryzdyq mındettemelerdı oryndamau sebep bolǧan.
Byltyr küzde Almaty oblysy aumaǧynda küdıktınıŋ tapsyrysy boiynşa ekı qasköi atalǧan kısını öltırgen.
Aita keteiık, būǧan deiın qylmysty jüzege asyruşylar da qamauǧa alynǧan bolatyn.
Ūqsas jaŋalyqtar
