Dýbaıdan qymbat páter satyp alǵan qazaqtardy quzyrly organdar teksermek. Bul týraly Qarjy vıe-mınıstri Erjan Birjanov aıtty, dep habarlaıdy “Adyrna” ulttyq portaly.
Májiliste depýtat Rınat Zaıtov aýqatty qazaqstandyqtar shetelden qymbat jyljymaıtyn múlik alǵanyn jetkizdi.
“Sizder (áleýmettik jeliden) kórgen shyǵarsyzdar. Dýbaıda (BAÁ) 3 myńǵa jýyq páteri bar qazaqtar anyqtaldy. Páter quny eń kem degende 500 mln teńge turady. Osy shetelde jyljymaıtyn múlki bar adamdarǵa nege salyq qarastyrylmaǵan, nege olarǵa salyq salynbaıdy?” - dedi ol.
Qarjy vıe-mınıstri Erjan Birjanov bul máseleni quzyrly organdar tekseretinin atap ótti.
“Bizden «Basqa elderden nege salyq óndirip almaısyz?» dep surap jatyrsyz. Birinshiden, «Múliktiń paıda bolýy zańdy ma, zańsyz ba?» degendi qazir Bas prokýratýra janyndaǵy (Aktıvterdi qaıtarý jónindegi) komıtet óziniń jumysyna paıdalanady dep oılaımyn. Bul – bizdiń olıgarhtardyń menshigi ǵoı nemese zańsyz, qylmystyq jolmen tabylǵan múlik bolýy múmkin. Ony quqyq qorǵaý organdary tekseredi”, – dedi mınıstrdiń orynbasary.
Ekinshiden, múlik salyǵyn turǵylyqty jeri boıynsha óndiredi.
“Mysaly, bizde Dýbaıdyń azamaty páter satyp alsa, onyń salyǵyn BAÁ suramaıdy. Ony biz surap alamyz. Sondyqtan salyq turǵylyqty jeri boıynsha óndiriledi. Eger aýylda úıińiz bolsa, sol aýdannyń bıýdjetine siz salyq tóleısiz”, - dep túsindirdi vıe-mınıstr.
