Almaty soty saiasi belsendı jäne jurnalist Janbolat Mamaiǧa bilıktegı "Nūr Otan" partiiasy töraǧasynyŋ bırınşı orynbasary Bauyrjan Baibektı sybailas jemqorlyqqa aiyptaǧan beineroliktı alyp tastaudan bas tartqany üşın 140 016 teŋge aiyppūl saldy. Sot otyrysy Äuezov audandyq sotynda talapker Bauyrjan Baibektıŋ qatysuynsyz onlain rejimınde öttı, dep habarlaidy “Adyrna” ūlttyq portaly Informburo.kz saityna sılteme jasap.
Mamai sot şeşımın oryndamaidy.Jeke sot oryndauşysy Jainara Älseiıtova Janbolat Mamaidyŋ bilık partiiasy töraǧasynyŋ orynbasarynyŋ talap aryzy boiynşa sot şeşımın oryndamaǧanyn aitty. Belsendı öz filmınde Bauyrjan Baibektı Almatyda mafiialyq-sybailas jemqorlyq qūrylymyn qūrdy dep aiyptaǧan. Sot filmde ūsynylǧan aqparatty Bauyrjan Baibektıŋ abyroiyna nūqsan keltırdı dep tauyp, Janbolat Mamaiǧa filmdı alyp tastaudy jäne 10 künnıŋ ışınde äleumettık jelılerde öz oiynyŋ terıs ekenın jariialaudy mındettedı.
"27 tamyzda maǧan atqaru paraǧy kelıp tüstı. Däl sol künı boryşkerge tapsyrys hatpen şara qoldanu turaly eskertuı bar habarlama jıberıldı. 3 qyrküiekte men Mamaidyŋ keŋsesıne bardym jäne habarlamany jeke tapsyrdym, al boryşker aryzdanuşyǧa qatysty qylmystyq ıs qozǧau üşın prokuraturaǧa jügıngenı turaly aityp soǧan bailanysty ol qūqyq qorǧau organdarynyŋ resmi jauabyn kütıp otyrǧandyǧy jönınde jazbaşa tüsınıkteme berdı. Bügıngı künge deiın talaptar oryndalmaǧan", - dedı sot.Belsendınıŋ qorǧauşysy Erlan Qaliev "Baibek myrzanyŋ tarapy sybailas jemqorlyq tergeuıne negız bolatyn däleldeme bazasyn tolyq joiudy talap etıp jatqanyn" mälımdedı.
"Şaǧym boiynşa aitatyn bolsam, menıŋ senım bıldıruşım aqparatty öşıruden bas tartuy tüsınıktı jäit, sebebı būl film tıkelei äkımnıŋ ıs-äreketınde sol jyly qalany basqarǧan Bauypjan Baibektıŋ qylmystyq äreket belgılerınıŋ boluyn körsetetın jurnalistık zertteu filmı. Bır epizod boiynşa memleketke, dälırek aitqanda, Almaty biudjetıne 11 million dollar kölemınde zalal keltırılgen dep boljanady. Būl 4 milliard teŋgeden asa aqşa", - dep tüsındırdı Erlan Qaliev.Mamaidyŋ bergen tüsınıgı. Janbolat Mamaidyŋ özı BŪŪ Adam qūqyqtary jönındegı komitetınen sot şeşımınıŋ zaŋdylyǧyn rastamaiynşa, ol videolardy joimaitynyn aitty.
"Menıŋ oiymşa, qazaqstandyq sottar "Nūr Otan" men el bilıgınıŋ notarialdy keŋsesıne ainalyp ketken. Sottarda ädıldık joq. Bız būǧan bügın köz jetkızdık. Menıŋ sottarǧa degen senımım qalmady. Bız Almaty prokuraturasyna aryz jazdyq. Bıraq ony qaraudyŋ ornyna ol ıs Sybailas jemqorlyqqa qarsy qyzmetke jıberıldı. Sybailas jemqorlyqqa qarsy qyzmet bızge jauap bermei, hatty Täşenova hanymǧa baǧyttaidy. 1 qazanda bız Bas prokuraturaǧa ötınış jıberdık. Qazır bız olardyŋ jauabyn kütıp otyrmyz. Osydan keiın bız kassasiialyq şaǧym joldaimyz jäne mındettı türde BŪŪ Adam qūqyqtary jönındegı komitetıne jıberemız. Eger BŪŪ Baibek taza, ūrlyq jasamaǧan dese, men öz kınämdı moiyndaimyn. Ädıldık bolmaiynşa, bız şeşımdı oryndamaimyz", - dep tüsındırdı Janbolat Mamai öz ūstanymyn.Bauyrjan Baibek ökılınıŋ oqiǧaǧa tüsınıgı. Zaŋger Aijan Täşenova Janbolat Mamaidyŋ Bauyrjan Baibek qaiyrymdylyq qoryna bergen 800 000 teŋge somasyndaǧy sot şyǧyndaryn öteu turaly sot şeşımın oryndaǧanyn aitty.
"Mamai aşyq türde sottarǧa senbeitının jäne sot şeşımın oryndamaitynyn aitady. Būl onyŋ Qazaqstan Respublikasynyŋ zaŋnamasyn saqtamaitynyn bıldıredı. Ol ärkezde ärtürlı syltaular tauyp qaşyp jüredı. Bıraq prokuratura men türlı memlekettık organdarǧa şaǧymdanu sot şeşımın oryndamauǧa negız nemese däleldı sebep bolyp tabylmaidy. Apelliasiialyq şeşım qabyldanǧannan keiın Mamai taǧy da toǧyzǧa juyq beinerolik şyǧardy jäne onda menıŋ klientımdı renjıtude, jalǧan ärı qate derekter taratuda. Būl taǧy da onyŋ dälelsız sot şeşımın oryndamaitynyn körsetedı. Ol öz arnasynda milliondaǧan ūrlyq jönınde sūmdyq ötırıktı taratudy jalǧastyruda", - dedı ol.Sottyŋ şeşımı. Sudia Rabiǧa Abloldanova jeke sot oryndauşylar instituty öndırısın toqtatudan bas tartty jäne sot şeşımınıŋ oryndaluy turaly sot oryndauşysynyŋ ötınışın oryndamaǧany üşın memleket kırısıne 140 016 teŋge aiyppūl öndırdı.
Ūqsas jaŋalyqtar
