Almaty soty saıası belsendi jáne jýrnalıst Janbolat Mamaıǵa bıliktegi "Nur Otan" partııasy tóraǵasynyń birinshi orynbasary Baýyrjan Baıbekti sybaılas jemqorlyqqa aıyptaǵan beınerolıkti alyp tastaýdan bas tartqany úshin 140 016 teńge aıyppul saldy. Sot otyrysy Áýezov aýdandyq sotynda talapker Baýyrjan Baıbektiń qatysýynsyz onlaın rejıminde ótti, dep habarlaıdy “Adyrna” ulttyq portaly Informburo.kz saıtyna silteme jasap.
Mamaı sot sheshimin oryndamaıdy.Jeke sot oryndaýshysy Jaınara Álseıitova Janbolat Mamaıdyń bılik partııasy tóraǵasynyń orynbasarynyń talap aryzy boıynsha sot sheshimin oryndamaǵanyn aıtty. Belsendi óz fılminde Baýyrjan Baıbekti Almatyda mafııalyq-sybaılas jemqorlyq qurylymyn qurdy dep aıyptaǵan. Sot fılmde usynylǵan aqparatty Baýyrjan Baıbektiń abyroıyna nuqsan keltirdi dep taýyp, Janbolat Mamaıǵa fılmdi alyp tastaýdy jáne 10 kúnniń ishinde áleýmettik jelilerde óz oıynyń teris ekenin jarııalaýdy mindettedi.
"27 tamyzda maǵan atqarý paraǵy kelip tústi. Dál sol kúni boryshkerge tapsyrys hatpen shara qoldaný týraly eskertýi bar habarlama jiberildi. 3 qyrkúıekte men Mamaıdyń keńsesine bardym jáne habarlamany jeke tapsyrdym, al boryshker aryzdanýshyǵa qatysty qylmystyq is qozǵaý úshin prokýratýraǵa júgingeni týraly aıtyp soǵan baılanysty ol quqyq qorǵaý organdarynyń resmı jaýabyn kútip otyrǵandyǵy jóninde jazbasha túsinikteme berdi. Búgingi kúnge deıin talaptar oryndalmaǵan", - dedi sot.
Belsendiniń qorǵaýshysy Erlan Qalıev "Baıbek myrzanyń tarapy sybaılas jemqorlyq tergeýine negiz bolatyn dáleldeme bazasyn tolyq joıýdy talap etip jatqanyn" málimdedi.
"Shaǵym boıynsha aıtatyn bolsam, meniń senim bildirýshim aqparatty óshirýden bas tartýy túsinikti jáıt, sebebi bul fılm tikeleı ákimniń is-áreketinde sol jyly qalany basqarǵan Baýypjan Baıbektiń qylmystyq áreket belgileriniń bolýyn kórsetetin jýrnalıstik zertteý fılmi. Bir epızod boıynsha memleketke, dálirek aıtqanda, Almaty bıýdjetine 11 mıllıon dollar kóleminde zalal keltirilgen dep boljanady. Bul 4 mıllıard teńgeden asa aqsha", - dep túsindirdi Erlan Qalıev.
Mamaıdyń bergen túsinigi. Janbolat Mamaıdyń ózi BUU Adam quqyqtary jónindegi komıtetinen sot sheshiminiń zańdylyǵyn rastamaıynsha, ol vıdeolardy joımaıtynyn aıtty.
"Meniń oıymsha, qazaqstandyq sottar "Nur Otan" men el bıliginiń notarıaldy keńsesine aınalyp ketken. Sottarda ádildik joq. Biz buǵan búgin kóz jetkizdik. Meniń sottarǵa degen senimim qalmady. Biz Almaty prokýratýrasyna aryz jazdyq. Biraq ony qaraýdyń ornyna ol is Sybaılas jemqorlyqqa qarsy qyzmetke jiberildi. Sybaılas jemqorlyqqa qarsy qyzmet bizge jaýap bermeı, hatty Táshenova hanymǵa baǵyttaıdy. 1 qazanda biz Bas prokýratýraǵa ótinish jiberdik. Qazir biz olardyń jaýabyn kútip otyrmyz. Osydan keıin biz kassaııalyq shaǵym joldaımyz jáne mindetti túrde BUU Adam quqyqtary jónindegi komıtetine jiberemiz. Eger BUU Baıbek taza, urlyq jasamaǵan dese, men óz kinámdi moıyndaımyn. Ádildik bolmaıynsha, biz sheshimdi oryndamaımyz", - dep túsindirdi Janbolat Mamaı óz ustanymyn.
Baýyrjan Baıbek ókiliniń oqıǵaǵa túsinigi. Zańger Aıjan Táshenova Janbolat Mamaıdyń Baýyrjan Baıbek qaıyrymdylyq qoryna bergen 800 000 teńge somasyndaǵy sot shyǵyndaryn óteý týraly sot sheshimin oryndaǵanyn aıtty.
"Mamaı ashyq túrde sottarǵa senbeıtinin jáne sot sheshimin oryndamaıtynyn aıtady. Bul onyń Qazaqstan Respýblıkasynyń zańnamasyn saqtamaıtynyn bildiredi. Ol árkezde ártúrli syltaýlar taýyp qashyp júredi. Biraq prokýratýra men túrli memlekettik organdarǵa shaǵymdaný sot sheshimin oryndamaýǵa negiz nemese dáleldi sebep bolyp tabylmaıdy. Apellıaııalyq sheshim qabyldanǵannan keıin Mamaı taǵy da toǵyzǵa jýyq beınerolık shyǵardy jáne onda meniń klıentimdi renjitýde, jalǵan ári qate derekter taratýda. Bul taǵy da onyń dálelsiz sot sheshimin oryndamaıtynyn kórsetedi. Ol óz arnasynda mıllıondaǵan urlyq jóninde sumdyq ótirikti taratýdy jalǵastyrýda", - dedi ol.
Sottyń sheshimi. Sýdıa Rabıǵa Abloldanova jeke sot oryndaýshylar ınstıtýty óndirisin toqtatýdan bas tartty jáne sot sheshiminiń oryndalýy týraly sot oryndaýshysynyń ótinishin oryndamaǵany úshin memleket kirisine 140 016 teńge aıyppul óndirdi.
