Şerzat Polattyŋ ölımı boiynşa eŋ auyr jaza arqalaiyn dep otyrǧan Abzal Şynasyl sotta ökınış bıldırıp, keşırım sūrady, dep habarlaidy “Adyrna”.
«Jäbırlenuşı Qarjaubai Nūrymovtyŋ otbasynan keşırım sūraimyn. Qaiǧylaryŋyzǧa ortaqpyn. Qaza qaiyrly bolsyn. Barlyǧy - Allanyŋ jazuy, būiryq şyǧar. Men Şerzat Polatqa qol kötergen joqpyn, ony öltırgen de emespın. Eger sondai äreketke barǧan bolsam, basynda-aq moiyndaityn edım. Men ıstegen ısımnen qaşatyn adam emespın. Al öz jauabymdy ne üşın özgertkenımdı tergeu barysynda tüsındırdım», - dedı ol.
Ol özıne QR QK-nıŋ «densaulyqqa qasaqana auyr ziian keltıru» baby boiynşa jaza taǧaiyndaudy sūrady.
«Bır ülken qatelıgım - namysqa berılıp, qylmysty moinyma alǧanym. Bıraq men jazadan qoryqpaimyn. Sottan tek ädıl jaza taǧaiyndaudy sūraimyn. QR Qylmystyq kodeksınıŋ 106-baby boiynşa şeşım şyǧaruyŋyzdy ötınemın», - dedı ol.
Sottaluşy özınıŋ otbasy turaly şyndyqqa janaspaityn aqparat taraǧanyn aitty.
«Men barşa qazaq halqynan keşırım sūraimyn. Soŋǧy kezde aqparat qūraldary men äleumettık jelılerde maǧan qatysty türlı derekter aitylyp jatyr: «baidyŋ balasy», «deputattyŋ, äkımnıŋ balasy» dep. Bıraq menıŋ eşqandai «äke-kökem» joq. Jalǧyz anam bar, sonymen bırge tūramyn. Bız qylmystyq top emespız. Sol jerge qandai da bır maqsatpen nemese daiyndyqpen barǧan joqpyz. Şerzat Polatty men öltırgen joqpyn. Bıraq, ökınışke qarai, ony naqty kımnıŋ öltırgenı turaly dälel mende joq, sondyqtan aita almaimyn», - dedı ol.
Aita keteiık, memlekettık aiyptauşy Abzal Şynasyldy «Adam öltıru» jäne «Būzaqylyq» baptary boiynşa kınälı dep tanyp, 23 jylǧa bas bostandyǧynan aiyrudy sūraǧan edı.
Ūqsas jaŋalyqtar
