Áıelin qatygezdikpen óltirdi dep aıyptalǵan Qazaqstannyń burynǵy ulttyq ekonomıka mınıstri Qýandyq Bıshimbaevqa sot úkimi shyqty. Ol 24 jylǵa bas bostandyǵynan aıyryldy, dep habarlaıdy “Adyrna” ulttyq portaly.
Qýandyq Bıshimbaevtyń soty boıynsha alqabıler úkim shyǵardy.
Bıshimbaevqa eki bap boıynsha aıyp taǵyldy: asa qatygezdikpen kisi óltirý (15 jyldan 20 jylǵa deıin nemese ómir boıyna bas bostandyǵynan aıyrý); qınaý (4 jyldan 7 jylǵa deıin bas bostandyǵyn shekteý nemese osy merzimge bas bostandyǵynan aıyrý).
Al Baqytjan Baıjanov qylmystyq kodekstiń 432-baby boıynsha kináli dep tanyldy, ol 4 jylǵa bas bostandyǵynan aıyryldy.
Eske salaıyq, 2023 jyldyń 9 qarashasynda Astana meıramhanalarynyń birinde qaıǵyly jaǵdaı bolyp, burynǵy ulttyq ekonomıka mınıstri Qýandyq Bıshimbaevtyń áıeli Saltanat Núkenova qaıtys boldy. Sol oqıǵadan keıin Bıshimbaev qamaýǵa alyndy. Artynsha onyń týysy Baqytjan Baıjanov ta qamaldy.
