AQSh-tyń Nıý-Iork shtatynyń soty 27 jastaǵy Hadı Matara 2022 jyly brıtandyq-úndistandyq jazýshy Salman Rýshdıdi óltirýge oqtalǵany úshin kináli dep tanydy. Oǵan 30 jyldan astam túrme jazasy berilýi múmkin, dep habarlaıdy "Adyrna" ulttyq portaly BBC-ge siltep.
Matar 2022 jyldyń tamyzynda Nıý-Iorktiń Chotokýa qalasynda ótken lekııa kezinde sahnaǵa júgirip shyǵyp, Rýshdıdi pyshaqtap tastaǵan. Jazýshy aýyr jaraqat alyp, baýyry zaqymdanyp, bir kóziniń kórý qabiletinen aıyryldy. Sonymen qatar, júıke júıesine tıgen zaqym saldarynan qolynyń qımyldaý múmkindigi shektelgen.
Is Chotokýa okrýginiń sotynda qaraldy. Matarany jazýshyǵa qastandyq jasaý jáne aýyr dene jaraqatyn keltirý baptary boıynsha aıypty dep tanydy. Sondaı-aq, shabýyl kezinde sahnada otyrǵan jýrnalıst Genrı Rız de jaraqat alǵan. Ol basynan jeńil soqqy alyp, aman qaldy.
Sot úkimi 2024 jyldyń 23 sáýirinde jarııalanady.
Sot otyrysynda Salman Rýshdı shabýyl sátin eske alyp, sahnada otyrǵan kezde kútpegen jerden ózine qaraı júgirgen adamdy kórgenin aıtty.
"Onyń kózderi qarańǵy ári óte ashýly kórindi. Bastapqyda meni bireý ıterip jiberdi dep oıladym, keıinirek pyshaqtalǵanymdy túsindim", – dedi jazýshy.
Jalpy, Rýshdı 15 ret pyshaq jaraqatyn alǵan. Ol kózinen, betinen, moınynan, keýdesinen jáne sanynan jaraqat aldy.
