Otardaǧy äskeri bölımderdıŋ bırınde merzımdı äskeri qyzmetşınıŋ jaq süiegı synǧan. Küş qoldanu deregı boiynşa qylmystyq ıs qozǧaldy. Zardap şekken sarbaz Almatydaǧy Äskeri-klinikalyq gospitalda em qabyldap jatyr, dep habarlaidy “Adyrna” ūlttyq portaly Tengrinews.kz saityna sıltep.
Būǧan deiın äleumettık jelılerde zardap şekken äskeri qyzmetşınıŋ äpkesı video jariialady. Äieldıŋ aituynşa, onyŋ ınısı 2025 jylǧy 28 mamyrda Otarǧa merzımdı äskeri qyzmetke şaqyrylǧan.
"Qyzmetınıŋ aiaqtaluyna 4 ai qalǧanda üş serjant ony ūryp-soǧyp, bır serjant temır zatpen ūryp, jaq süiegı men mūrnyn syndyrǧan. Ol auyr jaraqat aldy", - delıngen videoda.
Onyŋ aituynşa, oqiǧadan keiın ekı apta boiy äskeri qyzmetşıge qysym körsetılgen. Odan soŋ oǧan azamattyq kiım kigızıp, Almaty qalasyndaǧy №5 qalalyq auruhanaǧa jetkızgen. Äpkesınıŋ sözınşe, jol aqysyn sarbaz qaltasynan şyǧarǧan.
"Ota 300 myŋ teŋgege jasaldy, ekı ota jasalyp, auyz quysyna metall konstruksiialar ornatyldy. Bıraq ony därıgerlerdıŋ baqylauynda qaldyrmai, auruhanaǧa jatqyzbaǧan. Kerısınşe, sanitarlyq ta, medisinalyq ta kömegı joq jaǧdaida 16 kün "üiqamaqqa" jıbergen", - dep mälımdedı äpkesı.
Sondai-aq, ol 29 qaŋtarda tuystary äskeri bölımnen sarbazdy taba almaǧanyn aitty. Onyŋ aituynşa, rota komandirı keiın tuystaryn ınısı bolǧan päterge aparǧan. Būdan keiın sarbaz medpunktke ornalastyrylyp, tekserıs otanyŋ dūrys jasalmaǧanyn anyqtaǧan. Sodan soŋ ony Almatydaǧy №1 äskeri gospitalǧa jıbergen, qazır ol sol jerde em qabyldap jatyr.
"Bız bauyrymyzdyŋ densaulyǧyn qalpyna keltırudı, jaq süiegın ornyna keltırudı jäne äskerge ketkendegı qalpyndai sau küiınde qaitarudy sūraimyz. Alǧaşynda äskeri qyzmetşıler kınäsın moiyndamady, qazır keşırım sūrap otyr. Bız olardy keşırmeimız", - delıngen ündeude.
Ötınış iesınıŋ aituynşa, būǧan deiın būl derek boiynşa ıs qozǧalǧan, bıraq keiın jabylyp qalǧan.
"Osyǧan bailanysty äkemız auruhanada auyr halde jatyr, soǧan qaramastan äskeri qyzmetşıler odan tatulasu turaly qaǧazǧa qol qoiudy talap etıp jatyr", - deidı äpkesı.
Otbasy kınälılerdıŋ äreketıne qūqyqtyq baǧa berılıp, qylmystyq ıs qozǧalsyn dep sūraidy.
Bas äskeri polisiianyŋ mälımetınşe, gvardiialyq garnizonnyŋ äskeri polisiiasy äskeri qyzmetşıge küş qoldanu derek boiynşa qylmystyq ıs qozǧaǧan.
"Oqiǧa saldarynan äskeri qyzmetşılerdıŋ bırınıŋ jaq süiegı synǧan. Zardap şeguşı gospitalǧa jatqyzylyp, Almaty qalasyndaǧy äskeri-klinikalyq gospitalda em qabyldap jatyr. Oǧan qajettı bılıktı medisinalyq kömek tolyq körsetılıp jatyr, densaulyq jaǧdaiy äskeri därıgerlerdıŋ tūraqty baqylauynda", - delıngen habarlamada.
Materialdar Sotaldy tergep-tekserudıŋ bıryŋǧai tızılımıne tırkelgen. Tekseru jürgızılıp jatyr. Tergeu barysynda oqiǧaǧa qatysy bar barlyq tūlǧanyŋ, sondai-aq, bölımdegı älımjettık deregı turaly joǧary basşylyqqa uaqtyly baiandama jasamaǧan jäne medisinalyq kömektı ūiymdastyrmaǧan äskeri bölım lauazymdy tūlǧalarynyŋ äreketıne qūqyqtyq baǧa berıledı.
Tergeu şaralary kezeŋınde äskeri bölımnıŋ bırqatar lauazymdy adam qyzmettık mındetterın atqarudan şettetıldı.
Bas äskeri polisiia tergeu qorytyndysy boiynşa kınälıler Qazaqstan zaŋnamasyna säikes jauapkerşılıkke tartylatynyn atap öttı.
