Kólik kórse, ishindegi múlkine qol salýdy ádet etken eki almatylyq ustaldy. Olardyń kólik zattaryn urlaýǵa qalysty 20-dan astam qylmysy áshkerelendi, dep habarlaıdy "Adyrna" ulttyq portaly.
Polıııa qyzmetkeriniń habarlaýynsha, 28 jastaǵy G.esimdi azamat pen onyń qurdasy N.esimdi azamat kólik salonynan birneshe márte urlyq jasady degen kúdikke ilingen.
- Urlyq deregi boıynsha jergilikti turǵyn aryzdandy. Onyń aıtýynsha, belgisiz bireýler Volkswagen Touareg kóligine áınekti syndyrý arqyly kirip, jeke múlkin urlap ketken. Jábirlenýshige keltirilgen shyǵyn 1,5 mln teńgeni quraıdy. Jedel-izdestirý is-sharalarynyń barysynda bizdiń bólimshe qyzmetkerleri urlanǵan zattardy satyp alýshylardyń jáne qaskóıdiń izine tústi. Kúdiktilerdiń aýdanymyzda 10, qalada 20-dan astam qylmys jasaǵany anyqtaldy. Ustaý kezinde olardan, urlanǵan qarý tárkilendi, – deıdi Áýezov aýdandyq polıııa basqarmasynyń bastyǵy Ulan Ábilqaıyr.
Kólik quraldarynyń qaraqshylary buǵan deıin birneshe ret sottalǵan. Qazirgi ýaqytta quryqtalǵandar jasaǵan qylmysyn tolyq moıyndap otyr. Olar ýaqytsha ustaý ızolıatoryna qamaldy.
"Adyrna" ulttyq portaly
