«Jańa adamdar» jastar qozǵalysynyń saýalnamasyna sáıkes, qazaqstandyqtar týǵan eliniń Eltańbasyn jaqsy bilmeıdi, dep habarlaıdy “Adyrna” ulttyq portaly.
Zertteýge Astana men Almatydan ár túrli jastaǵy 500-den astam adam qatysqan.
Al olardyń kópshiligi – 70%-y, ókinishke qaraı, usynylǵan 6 nusqanyń ishinen durys Eltańbany taba almaǵan. Olar tipti tulpardyń ornyna aıdahar beınelerin tańdaǵan.
Sonymen qatar, saýalnama nátıjelerine sáıkes, eltańbanyń jekelegen elementteri neni bildiretinin halyqtyń 70%-ǵa jýyǵy bilmeıdi.
Sondaı-aq, respondentter Qazaqstandy erkindikpen, qonaqjaılylyqpen, otbasylyq qundylyqtarmen, dostyq pen birlikpen baılanystyrady, biraq eltańbamen mundaı baılanystar joq.
