Mädeniet jäne aqparat ministrlıgı Qazaqstannyŋ eltaŋbasyna qatysty pıkır bıldırdı, dep habarlaidy "Adyrna" ūlttyq portaly Tengrinews.kz-ke sıltep.
Ministrlık memlekettık rämızderge özgertulerdı qabyldau algoritmın tüsındırdı.
"Qazaqstandaǧy konstitusiialyq zaŋdar men qoǧam ömırınıŋ basqa da maŋyzdy mäselelerı, Konstitusiia jobalary boiynşa şeşımder jalpyhalyqtyq referendum – jalpyhalyqtyq dauys beru arqyly qabyldanady", - delıngen vedomstvoda.
QR Konstitusiiasynyŋ 54-babyna säikes, memlekettık rämızderge engızıletın kez kelgen özgerıster men tolyqtyrular Qazaqstan Parlamentınde qaralady jäne jalpyhalyqtyq referendum arqyly ötkızıledı.
Būl rette Memleket basşysy Ūlttyq qūryltaidyŋ kezektı otyrysynda memlekettık Eltaŋbany özgertu turaly şeşım jalpy kelısım bolǧan jaǧdaida qabyldanuy mümkın ekenın atap ötken bolatyn.
«Ministrlık osyǧan ūqsas bastamalar aiasynda şet elderdegı memlekettık rämızderge özgerıster engızu mäselelerıne taldau jürgızdı. Alaida elımızdıŋ bırqatar öŋırlerınde tabiǧi tötenşe jaǧdailardyŋ oryn aluyna bailanysty būl ıs-şaralar toqtatyldy», - delıngen Mädeniet ministrlıgı habarlamasynda.
Aita keteiık, būǧan deiın Qazaqstannyŋ eltaŋbasyn özgertu mäselesı kün tärtıbınen alynǧany turaly aitylǧan bolatyn.
Ūqsas jaŋalyqtar
