Soǵys ardagerlerine 9 mamyrǵa oraı bir rettik tólem berildi, dep habarlaıdy "Adyrna" ulttyq portaly.
Qazaqstannyń barlyq óńiri men megapolısterde ardagerlerge tólem jasaldy. Atalǵan maqsattarǵa jergilikti bıýdjetterden barlyǵy 187 mln teńge bólingeni belgili boldy.
Áleýmettik kómek kórsetýdiń qoldanystaǵy qaǵıdalaryna sáıkes 9 mamyrǵa oraı beriletin birjolǵy tólemder somasy jergilikti bıýdjetterdiń múmkindikterine jáne máslıhattardyń sheshimderine baılanysty ár oblysta derbes belgilenetinin eske salamyz.
QR Eńbek jáne halyqty áleýmettik qorǵaý mınıstrliginiń usynysy boıynsha sońǵy jyldary kóptegen oblysta ardagerlerge tólemder biryńǵaı mólsherde tólenedi.
Elimizde Ekinshi dúnıejúzilik soǵystyń 148 ardageri turady. Olarǵa aı saıyn 16 AEK (2024 jyly 59 072 teńge) mólsherinde arnaýly memlekettik járdemaqy tólenedi.
