Gazadaǵy jaǵdaı kún saıyn nasharlaýda, dep habarlaıdy "Adyrna" tilshisi rbc-ǵa siltep.
Gazadaǵy aýrýhanalarda balalarǵa oryn tapshylyǵy baıqalýda. Al naýqastardy emdeý úshin medıınalyq preparattar jetispeıdi.
DDSU-nyń habarlaýynsha 5 jasqa deıingi balalardyń 0,8 paıyzy durys tamaqtanbaýdyń kesirinen qatty zardap shegip otyr. Sebebi qaqtyǵys saldarynan azyq-túlik te azdyq etip jatyr. Al aq halattylar balalardyń toıyp tamaq ishpeýi túrli aýrýǵa ákep soǵýy múmkin ekenin aıtady.
"Balalardyń ashqursaq júrýi ólim sanyn arttyrýda. Ár bala kúnine 3 mezgil tamaqtanýy tıis. Alaıda munda olar táýligine bir ret as tutynǵanyna táýbe etedi", - deıdi dárigerler.
BUU Izraıl tarapynyń aýrýhanada emdelip jatqan 200-ge jýyq adamǵa oq jaýdyrǵanyn habarlady. Halyqaralyq qaýymdastyqtar Izraıldiń shabýylynan keıin áýe jolymen parashıýt arqyly azyq-túlik jetkizýge kiristi.
AQSh prezıdenti Djo Baıden júk jetkizýdiń qıyndyǵyna qaramastan amalyn taýyp, aımaqqa qalaıda kómek kirgizetinin málimdegen.
"Kóbirek isteý kerek bolsa AQSh kóp nárseni jasaıdy. Aldaǵy kúnderi biz Iordanııadaǵy dostarymyzben jáne basqalarmen birge Ýkraınaǵa qosymsha azyq-túlik pen kerek jaraqtardy aýa arqyly-aq qamtamasyz etemiz", - dedi ol Gaza sektoryn Ýkraınamen shatastyryp.
