سوعىس ارداگەرلەرىنە 9 مامىرعا وراي ءبىر رەتتىك تولەم بەرىلدى، دەپ حابارلايدى "ادىرنا" ۇلتتىق پورتالى.
قازاقستاننىڭ بارلىق ءوڭىرى مەن مەگاپوليستەردە ارداگەرلەرگە تولەم جاسالدى. اتالعان ماقساتتارعا جەرگىلىكتى بيۋدجەتتەردەن بارلىعى 187 ملن تەڭگە بولىنگەنى بەلگىلى بولدى.
الەۋمەتتىك كومەك كورسەتۋدىڭ قولدانىستاعى قاعيدالارىنا سايكەس 9 مامىرعا وراي بەرىلەتىن بىرجولعى تولەمدەر سوماسى جەرگىلىكتى بيۋدجەتتەردىڭ مۇمكىندىكتەرىنە جانە ءماسليحاتتاردىڭ شەشىمدەرىنە بايلانىستى ار وبلىستا دەربەس بەلگىلەنەتىنىن ەسكە سالامىز.
قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ۇسىنىسى بويىنشا سوڭعى جىلدارى كوپتەگەن وبلىستا ارداگەرلەرگە تولەمدەر بىرىڭعاي مولشەردە تولەنەدى.
ەلىمىزدە ەكىنشى دۇنيەجۇزىلىك سوعىستىڭ 148 ارداگەرى تۇرادى. ولارعا اي سايىن 16 اەك (2024 جىلى 59 072 تەڭگە) مولشەرىندە ارناۋلى مەملەكەتتىك جاردەماقى تولەنەدى.
