Ákimdikter aýyldy damytýǵa bólingen 128 mlrd teńge qarjyny ıgere almaı otyr. Bul týraly Ulttyq ekonomıka mınıstri Álibek Qýantyrov aıtty , dep habarlaıdy “Adyrna” ulttyq portaly.
«2022 jyly 577 aýylda bir myńnan asa jobany iske asyrýǵa 128 mlrd teńge bólingen. Bıyl 1 qańtardaǵy jaǵdaı boıynsha oblys ákimdikteri bólingen qarajattyń 94%-yn ıgergen»,- dep málimdedi Qýantyrov seısenbi kúni úkimet otyrysynda.
Sondaı-aq, 7,7 mlrd teńge qarjy ıgerilmeı otyr.
Qarajattyń durys ıgerilmeýi Ulytaý, Mańǵystaý jáne Batys Qazaqstan oblysynda tirkeldi. Ol úshin 2019-2022 jyldary respýblıkalyq bıýdjetten 326 mlrd teńge bólinip, 3,7 myń joba iske asyryldy. Mysaly, 334 turǵyn úı-kommýnaldyq sharýashylyq obektisi, 1,2 myń áleýmettik ınfraqurylym obektisi, 2,2 myń kólik ınfraqurylymy obektisi jańadan salýǵa jáne jóndeýge múmkindik berdi. Nátıjesinde shamamen 30 myń jumys orny quryldy.
Eske salsaq, 2023 jylǵy 1 qańtardaǵy jaǵdaı boıynsha Qazaqstanda 6 293 aýyl bar, onda 7,8 mln-ǵa jýyq qazaqstandyq turyp jatyr. «Aýyl-el besigi» jobasyn iske asyrý úshin bolashaǵy bar 3,5 myń aýyl iriktelip alyndy.
