Mäjılıstıŋ Jalpy otyrys zalynda Önerkäsıp jäne qūrylys ministrı deputattardyŋ sūraqtaryna jauap berdı, dep habarlaidy "Adyrna" ūlttyq portaly.
Otyrys barysynda QR Parlamentı Mäjılısınıŋ deputaty Qazybek İsa söz söilep, memlekettık tıl märtebesın söz ettı. Deputat söz arasynda "orysşa jauap bere berıŋız" sözın toqtatu kerektıgın aitty. Onyŋ sözınşe, būl tırkes memlekettık tıldı öltıru.
"Qūrmettı ministr Qanat Beisembaiūlyna eŋ aldymen aitarym, Önerkäsıp ministrı önerkäsıptı qaidam, memlekettık tılde söileudı jaqsy meŋgerıp alypty, rahmet. İä, baiandamada da, deputattar sūraǧyna jauap berude de, qazaq tılınde jaqsy söiledıŋız, sol üşın rahmet! Endı sız qazaq tılındegı sūraqtarǧa ǧana emes, orys tılındegı sūraqtarǧa da qazaqşa jauap bere berseŋız bolady. Al ärıptesterıme aitarym, "orysşa jauap bere berıŋız" degen söz ben orysşa sūraq qoiudy toqtatu kerek. Būl - ministrge jaqsylyq jasau emes, būl - ministrdı müsırkeu! Būl - parlament qabyldaǧan tıl turaly zaŋdy parlamentte öltıru bolyp tabylady", - dedı Qazybek İsa.Parlament deputaty ükımettıŋ otandyq käsıporyndardy qorǧai almai otyrǧanyn aityp, baiandamada aitylǧan söz ben bügıngı öndırıstıŋ jaiyn talqylady.
"Mysaly, ötken 2023 jyly küzde "Aq jol" partiiasy parlamentte Şymkentte maqta öŋdeuden daiyn önım tıguge deiıngı tolyq öndırıstık siklı bar Qazaqstan Respublikasyndaǧy jalǧyz jūmys ıstep tūrǧan toqyma fabrikasy «AZALA Textile» JŞS fabrikasynyŋ jaǧdaiyn aityp, mäsele köterdı. Ükımetke deputattyq saual jasady. Al sızdıŋ baiandamaŋyzda būl fabrikanyŋ aty atalmady da... Būl fabrika 2005 jyldan berı jūmys ıstep keledı, 20 jylǧa juyqtady. Jalpy investisiialardyŋ kölemı 70 mln AQŞ dollaryn qūraidy. «AZALA Textile» JŞS şyǧarǧan önımnıŋ 80 paiyzdan astamy Europalyq Odaq elderıne eksporttaldy. Sondyqtan da būl fabrika memlekettık tapsyrysqa täueldı bolǧan emes. Tek Resei Ukrainaǧa basqynşylyq jasap, soǧys bastalǧaly bırqatar sebepterge bailanysty (qauıpsız logistikalyq baǧyttyŋ bolmauy jäne t.b.) EuroOdaq elderıne önım eksporty toqtatyldy. Sondyqtan, käsıporyn qiyndyqtarǧa tap bolyp, öndırıs 40 paiyzǧa deiın tömendedı. Qazır fabrika bankrotqa ūşyrap, jabylu aldynda tūr", - dedı Qazybek İsa.
Ūqsas jaŋalyqtar
