Májilistiń Jalpy otyrys zalynda Ónerkásip jáne qurylys mınıstri depýtattardyń suraqtaryna jaýap berdi, dep habarlaıdy "Adyrna" ulttyq portaly.
Otyrys barysynda QR Parlamenti Májilisiniń depýtaty Qazybek Isa sóz sóılep, memlekettik til mártebesin sóz etti. Depýtat sóz arasynda "oryssha jaýap bere berińiz" sózin toqtatý kerektigin aıtty. Onyń sózinshe, bul tirkes memlekettik tildi óltirý.
"Qurmetti mınıstr Qanat Beısembaıulyna eń aldymen aıtarym, Ónerkásip mınıstri ónerkásipti qaıdam, memlekettik tilde sóıleýdi jaqsy meńgerip alypty, rahmet. Iá, baıandamada da, depýtattar suraǵyna jaýap berýde de, qazaq tilinde jaqsy sóıledińiz, sol úshin rahmet! Endi siz qazaq tilindegi suraqtarǵa ǵana emes, orys tilindegi suraqtarǵa da qazaqsha jaýap bere berseńiz bolady. Al áriptesterime aıtarym, "oryssha jaýap bere berińiz" degen sóz ben oryssha suraq qoıýdy toqtatý kerek. Bul - mınıstrge jaqsylyq jasaý emes, bul - mınıstrdi músirkeý! Bul - parlament qabyldaǵan til týraly zańdy parlamentte óltirý bolyp tabylady", - dedi Qazybek Isa.
Parlament depýtaty úkimettiń otandyq kásiporyndardy qorǵaı almaı otyrǵanyn aıtyp, baıandamada aıtylǵan sóz ben búgingi óndiristiń jaıyn talqylady.
"Mysaly, ótken 2023 jyly kúzde "Aq jol" partııasy parlamentte Shymkentte maqta óńdeýden daıyn ónim tigýge deıingi tolyq óndiristik ıkli bar Qazaqstan Respýblıkasyndaǵy jalǵyz jumys istep turǵan toqyma fabrıkasy «AZALA Textile» JShS fabrıkasynyń jaǵdaıyn aıtyp, másele kóterdi. Úkimetke depýtattyq saýal jasady. Al sizdiń baıandamańyzda bul fabrıkanyń aty atalmady da... Bul fabrıka 2005 jyldan beri jumys istep keledi, 20 jylǵa jýyqtady. Jalpy ınvestıııalardyń kólemi 70 mln AQSh dollaryn quraıdy. «AZALA Textile» JShS shyǵarǵan ónimniń 80 paıyzdan astamy Eýropalyq Odaq elderine eksporttaldy. Sondyqtan da bul fabrıka memlekettik tapsyrysqa táýeldi bolǵan emes. Tek Reseı Ýkraınaǵa basqynshylyq jasap, soǵys bastalǵaly birqatar sebepterge baılanysty (qaýipsiz logıstıkalyq baǵyttyń bolmaýy jáne t.b.) EýroOdaq elderine ónim eksporty toqtatyldy. Sondyqtan, kásiporyn qıyndyqtarǵa tap bolyp, óndiris 40 paıyzǵa deıin tómendedi. Qazir fabrıka bankrotqa ushyrap, jabylý aldynda tur", - dedi Qazybek Isa.
