Memleket basşysy Aqordada Singapur Parlamentınıŋ spikerı bastaǧan delegasiiany qabyldady, dep habarlaidy "Adyrna" ūlttyq portaly Aqordaǧa sıltep.
Prezident Toqaev pen Sea Kian Penmen kezdesu barysynda Qazaqstan men Singapur arasyndaǧy tyǧyz qarym-qatynasty odan ärı keŋeitudı közdeitın kezdesu dostyq räuışte ärı nätijelı öttı.
"Bız – uaqyt synynan ötken senımdı serıktespız. Özara bailanystardy nyǧaitu üşın auqymdy jūmys jürgızıldı. Degenmen aldymyzǧa ekı eldıŋ yntymaqtastyǧyn odan ärı damytuǧa baǧyttalǧan biık maqsat qoiyp otyrmyz", – dedı Prezident.Qasym-Jomart Toqaevtyŋ pıkırınşe, halyqaralyq yntymaqtastyqty arttyruda jäne memleketter arasyndaǧy dialogqa yqpal etude parlamenttık diplomatiia asa maŋyzdy röl atqarady. Sonymen qatar, Qazaqstanda bügınde 140 singapurlyq kompaniia men bırlesken käsıporyn jūmys ısteitının, olardyŋ el ekonomikasyna qūiǧan investisiiasynyŋ jalpy kölemı 1,4 milliard dollardan asqan. Kezdesu soŋynda Sea Kian Pen qonaqjailyq tanytqan Qasym-Jomart Toqaevqa rizaşylyǧyn bıldırıp, ekı eldıŋ yntymaqtastyǧyn tereŋdetu üşın mol äleuet bar ekenın aitty.
Ūqsas jaŋalyqtar
