«Taza Qazaqstan» respublikalyq ekologiialyq aksiiasy aiasynda Jetısu oblysynda «Jetısudyŋ 7 qazynasy: Tamşybūlaq» ekologiialyq aksiiasy ūiymdastyryldy. İgı bastama tuǧan ölkenıŋ tabiǧi mūrasyn saqtau, qorşaǧan ortany qorǧau mädenietın qalyptastyru jäne öŋırdıŋ körıktı jerlerın keler ūrpaqqa amanat etu maqsatynda jüzege asyryldy.
Aksiianyŋ negızgı maqsaty - Jetısu öŋırınıŋ tabiǧi mūrasyn därıpteu, Tamşybūlaq būlaǧynyŋ ekologiialyq tazalyǧyn saqtau, jastardyŋ ekologiialyq mädenietı men tabiǧatqa degen jauapkerşılıgın arttyru boldy. Sonymen qatar qorşaǧan ortany qorǧauǧa baǧyttalǧan bastamalardy qoldau, tuǧan ölkenıŋ tabiǧi bailyqtaryna janaşyrlyqpen qaraudy nasihattau jäne jastardyŋ ekologiialyq mäselelerdı şeşuge belsendı qatysuyna yqpal etu közdeldı.
Ekologiialyq aksiia aiasynda Jetısu oblysynyŋ jastary Tamşybūlaq būlaǧynyŋ boiyna alma köşetterın otyrǧyzdy. Būl bastama tabiǧi aumaqty kögaldandyruǧa, jasyl jelek kölemın arttyruǧa jäne būlaq maŋyndaǧy qorşaǧan ortany körkeituge baǧyttaldy. Aǧaş otyrǧyzu arqyly jastar tuǧan jerdıŋ tabiǧatyna qamqorlyq tanytyp, ekologiialyq jauapkerşılıktıŋ naqty ıspen körınıs tabatynyn körsettı.
Aksiianyŋ erekşelıgı - onyŋ nätijesı bır kündık şaramen şektelmei, uaqyt öte kele jemısın beretın igı ıske ainaluynda. Aksiia barysynda otyrǧyzylǧan ärbır alma köşetı aldaǧy jyldary tamyryn tereŋge jaiyp, saialy aǧaşqa ainalyp, jemıs beredı dep kütıledı. Jyldar ötken soŋ osy aumaqta jaiqalǧan alma aǧaştaryn körıp, olardyŋ igılıgın keler ūrpaq köredı. Būl bastama bügıngı buynnyŋ bolaşaq aldyndaǧy jauapkerşılıgın bıldırıp, tabiǧatqa degen janaşyrlyqty naqty ıspen ūştastyrdy.
- «Jetısudyŋ 7 qazynasy» bastamasy öŋırdıŋ tabiǧi mūrasyn keŋınen tanytuǧa, onyŋ qūndylyǧyn ūǧyndyruǧa jäne tuǧan ölkenıŋ bailyǧyn qorǧauǧa qoǧam nazaryn audaruǧa mümkındık berdı. Al «Taza Qazaqstan» aksiiasy aiasynda jüzege asyrylǧan būl jūmys jastardyŋ qorşaǧan ortaǧa degen jauapkerşılıgın arttyryp, tabiǧatty qorǧau ärbır azamattyŋ ortaq mındetı ekenın nasihattady. Bügın otyrǧyzylǧan alma köşetterı - keleşek ūrpaqqa qaldyrylǧan igı mūra. Tabiǧatty qorǧauǧa baǧyttalǧan osyndai bastamalar tuǧan ölkenıŋ körkeiuıne üles qosyp, qorşaǧan ortaǧa qamqorlyq jasaudyŋ maŋyzyn körsettı, dedı volonter jäne qoǧam belsendısı Vladimir Chepel.
