Bügın Taraz qalasynda «Auyl» partiiasynan QR Parlamentı Mäjılısınıŋ deputattyǧyna kandidat Jiguli Dairabaev, Anna Danchenko, Erbolat Sauryqov, Däuletkerei Käpūly jäne oblystyq mäslihatqa kandidattar «Polietilen-Agro» JŞS eŋbek ūjymynyŋ 70-ten astam qyzmetkermen kezdestı. Olar käsıporyn jūmysymen, şyǧaratyn önımderımen tanysyp, damu josparyn talqylady.
Kandidat Jiguli Dairabaevtyŋ aituynşa, qazırgı auyl tek mal şaruaşylyǧy men egınnen ǧana emes, ol, eŋ aldymen, mäselenı keşendı şeşuden tūrady. «Auyl» partiiasynyŋ negızgı mındetterınıŋ bırı – agrosektordyŋ industriialyq äleuetın damytu.
«Bızdıŋ partiia auyl öndırısın jäne agroönerkäsıptık keşen üşın industriiany damytudy qoldaudy jaqtaidy. Mūndai käsıporyndar är öŋırde boluy tiıs jäne bızdıŋ mındetımız osy mäselelerdı barlyq mümkın deŋgeide şeşu», - dedı Jiguli Dairabaev.
Käsıporyn jūmysşylary Jiguli Dairabaevtyŋ būl pıkırımen tolyǧymen kelıstı. «Auyl» partiiasy elımızdıŋ joǧarǧy zaŋ şyǧaruşy organynda öz sailauşylarynyŋ müddelerın qorǧai otyryp, eŋbek adamyna erekşe qūqyqtyq märtebe beruge ūmtylady.
Parlament Mäjılısınıŋ deputattyǧyna kandidattar şara soŋynda ügıt-nasihat jūmystaryn jürgızdı, sondai-aq qyzmetkerlerge «Auyl» partiiasy sailaualdy baǧdarlamasynyŋ negızgı baǧyttaryn tüsındırdı.
«Polietilen-Agro» JŞS 10 m deiıngı jylyjailarǧa arnalǧan käsıbi, köpjyldyq üldır öndıredı. Käsıporyn 2021 jyly «Uly Dala goods» brendımen sapasy jaǧynan älemdık analogtardan kem tüspeitın şöp tailaityn polipropilendı şpagat şyǧarudy qolǧa aldy.
