Reseidıŋ Ukrainadaǧy soǧysyna Qazaqstannan barǧan taǧy bır adam turaly mälımet tarady, dep habarlaidy “Adyrna” ūlttyq portaly aif.ru saityna sıltep.
Argumenty i fakty saitynda “Sanaqşy” esımdı qazaq jıgıttıŋ Reseidegı soǧys sabyna qalai qosylǧany turaly aitylady. Soǧys bastalǧanǧa deiın ol Almaty tūrǧyny bolǧan.
“Men 2022 jylǧy Qaŋtar oqiǧasyn öz közımmen öz üiımde baqylap, sol kezde de Qazaqstandaǧy töŋkerıs Qazaqstanǧa emes, eŋ aldymen Reseige syrttan äser etuı mümkın ekenın oilaǧanymdy moiyndaimyn. Resei soǧys joryqtaryn bastaǧanda otbasymda pıkır ekıge jaryldy” deidı ol.
“Sanaqşynyŋ” aituynşa onyŋ soǧysqa ketuıne jūbaiy qarsy bolǧan:
«Äielım soǧysqa baruyma qarsy boldy, bıraq men Reseidı qoldadym. Sonyŋ negızınde aramyzda ünemı ūrys-kerıs paida bola bastady. Menıŋ oiymşa, būl köptegen otbasylarda boldy. Alaida, būl menıŋ ömırımdı tübegeilı özgertken oqiǧaǧa äkeldı», - dep esıne aldy ol.
Derekke süiensek, “Sanaqşy” “Ahmat” arnaiy jasaǧynyŋ qataryna qosylǧan.
«Qazaqstanda bolyp jatqan oqiǧalar menı qatty qynjyltady. Qazır onda Ukrainadaǧydai prosester jürıp jatyr. Būl menı qatty alaŋdatady», - deidı “Sanaqşy”.
”Sanaqşy" özın Qazaqstanda ne kütıp tūrǧanyn, qandai aiyppen jauapqa tartylatynyn da jaqsy bıletının aitqan.
Eske sala keteiık, būǧan deiın Ūlttyq qauıpsızdık komitetı qazaqstandyqtardyŋ Ukraina jerındegı soǧysqa aralasuyna qatysty 10 qylmystyq ıstı tergep-tekserudı bastaǧanyn habarlaǧan bolatynbyz.
Ūqsas jaŋalyqtar
